شەفەق نیوز/ مەسرور بارزانی سەرۆک حکومەت هەرێم کوردستان لە سەردانەگەی ئەرا قەزای زاخۆ، ئمڕوو سێشەممە، دووپاتکرد ک حکومەتەگەی کار کەێد ئەرا په‌له‌ کردن لە گامەیل ئاڵشتکردن زاخۆ ئەرا ئیدارەی سەوەخوە.
سەرۆک حکومەت هەرێم لە سەردانەگەی و چەوپیکەفتن وەرپرسە حکومەتیە خۆجێیەگان لە ناوچەگە، بڕیاردا وەجیوەجیکردن چەن پڕۆژەیگ خزمەتگوزاری لە قەزای زاخۆ، وەگورەی توانا داراییەگان حکومەت هەرێم.
بارزانی وت: حکومەتەگەی کار کەێد ئەرا په‌له‌كردن لە گامەیل ئاڵشتکردن زاخۆ ئەرا ئیدارەی سەروەخوە.
وئاماژەکرد وە گرنگی مێژووی و شۆڕشگێڕی شار زاخۆ و سنوور ناوچەگە وەگشتی، و ئەو قوربانیەیلە ک پێشکەشی کردن لە بزوتنەوەی ئازادیخواز گەل کوردستان.
بارزانی هەمیش وت: شار زاخۆ شان وەشان ئەو ناوچەگان لە کوردستان شایستەی خزمەتگوزارییگ گەوراترە، و حکومەتەگە گشت توانای پشکەشکەێد ئەرا خزمەت ناوچەگە.