شه‌فه‌ق نيوز/ ده‌سڵاته‌يل ئه‌منى له‌ ده‌روازه‌ى حاجى عومران مه‌رزێ سه‌ر وه‌ پاريزگاى هه‌ولێر له‌ هه‌رێم كوردستان، بڕيگ مادده‌ى هووشبه‌ر له‌ناو پاكه‌ت شيرنى دوينرياوه‌ ك له‌ئيرانه‌و هاورياوێد و ده‌سوه‌سه‌ر كريا وه‌ل خاوه‌نه‌گه‌ێ.

له‌ى باوه‌ته‌و، بنگه‌ى دژه‌ مادده‌يل هووشبه‌ر سه‌ر وه‌ ئاسايش قه‌زاى سۆران، له‌ به‌ياننامه‌يگ ئه‌را شه‌فه‌ق نيوز وت: وه‌ڕيه‌وبه‌رايه‌تى ئاسايش كۆمه‌ڵگه‌ى حاجى عومران تويه‌نستگه‌ ده‌سگير كه‌سيگ بكا ك هه‌وڵ ئه‌وه‌ داگه‌ بڕيگ مادده‌ى هووشبه‌ر ك خرياوێده‌ ناو پاكه‌ت شيرينى له‌ ئيرانه‌و بارێده‌ ناو هه‌رێم كوردستان.

جى باسه‌، به‌ياننامه‌گه‌ ئاشكراى بڕ ئه‌و مادده‌ى هووشبه‌ره‌ نه‌كرد چه‌نيگ بويه‌و ناسنامه‌ى ئه‌و كه‌سيشه‌ ك هاوردوێده‌ى ئاشكرا نه‌كرد.