شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو دووشەممە، ١٣ تەمووز ٢٠٢٠ ، سەرپەرشتیاری کۆبونەوەی دەسەی باڵای وەزارەتی کرد ئەرا نواگردن ڤایڕۆس کۆرۆنا، لەری بازنەی تەلەفزیۆنی بەسیاگ ''ڤیدیۆ کۆنفڕانس''.
لە کۆبونەوەگە قوباد تاڵەبانی جیگر سەرۆک حکومەت و ژمارەیگ لە وەزیرەیل پەیوەندیدار بەشداربوین. باس کریا لەباوەت رەوش ئیسە لە سای بڵاوبوین ڤایڕۆس کۆرۆنا، و گامەیل پێویست ئەرا نواگردن لە بڵاوبوینی، و هەمیش هەڵسەنگاندن ریکارە مقەیەتیەگان و رینما تەندروسیەگان.
وەزیر تەندروسی لە کۆبونەوەگە راپۆرتیگ خستە وەردەس لە ژمارەی تووشهاگەیل و مەردگەیل و خاسەوبویەیل لە ڤایڕۆسەگە، و ئاماژەدا ک هووکار بەرزەوبوین رێژەی تووشهاتنەگان چوودەو ئەرا نا پابەندی وە رینما تەندروسیەگان.
ئیجا، وەزیر ناوخۆ و گواستنەوە و وەرپرس فەرمانگەی پەیوەندیەگان دەرەوە تێبینی خوەیان و هەڵسەنگاندنیان باسکردن لە باره‌ی ریکارە مقەیەتیەگان و ئاست پابەندی وەپیان.
سەرۆک حکومەت رووشنایی خستە بان مەترسیەگان لە زیایبوین بڵاوه‌ی ڤایڕۆسەگە و بەرزەوبوین ژمارەی تووشهاتگ و مەردگەیل، و باس لە خەفەت خوەی کرد لە ئەنجام وەسیاسەت کردن بڕیگ ئەرا ئی باوەتە و پابەند نەوین وە رینما تەندروسیەگان ک بویە هووکار زیایبوین تووشهاتگ و مردگەیل رووژ لە دویای رووژ، وتیش: یەکجارتر داوا لە گشت هاووڵاتیەیل کەم لە پابەندی وە ریکارە مقەیەتیەگان ئەرا مقەیەتی سەڵامەتیدان و سەڵامەتی کەسوکاردان و کۆمەڵگاگە.
دویای هەڵسەنگاندن رەوشەگە، دەسە باڵای وەزارەتی ئەرا نواگردن کۆرۆنا ئی بڕیارەیلە دەرکرد:
١/ بایەسە وەزارەت ناوخۆ و تەندروسی وەردەوام بوون لە دەرکردن ریکارە مقەیەتیەگان و رینما تەندروسیەگان ئەرا نواگردن ڤایڕۆسەگە، و وەکارهاوردن دەمامەک ودەسکیش ودویرەوکەفتن کۆمەڵایەتی لە شوونە گشتیەگان و وەزارەت و دامەزراوە حکومەتیەگان، و چەودیری لە جیوەجیکردن بڕیارەگان ک لە ئەنجومەن وەزیران لەی باوەتە دەرچگ، و سزاداین پێشێلکارەیل.
٢/ دیاری کردن ژوور ئۆپراسیۆن لە پارێزگاگان لە دەرکردن بڕیار قەیەغەی هاتووچگن و گواستنەوە له‌ ناونی شار و پارێزگاگان، وەگەرد وەردەوامی لە بەسانن شوونە گشتیەگان
٣/ دریژەداین وە دویاخستن گەشتە ئاسمانیەگان تا ٢٢ لەی مانگە، وەمەرجیگ بڕیارە گونجیایەگە بوریەێد وەهەماهەنگی وەل حکومەت فیدڕاڵی و رینماگانی، ئەرا هانداین هاووڵاتیەیل وە پابەندی وە ریکارە مقەیەتیەگان و رینما تەندروسیەگان.
٤/رینما داین ئەرا وەزارەت رووشەنهویری و گەنجان و فەرمانگەی راگەیانن و زانیاری لە وەردەوامی هەڵمەت هووشیارکردن هاووڵاتیەیل، لە چوارچیوەی بڕیارەیل وەزارەت تەندروسی ورینماگانی، ئەرا هانداین هاووڵاتیەیل وە پابەندی وە ریکارە مقەیەتیەگان و رینما تەندروسیەگان ئەویش وەهەماهەنگی وەل میدیاگان لە هەرێم کوردستان.