شەفەق نیوز/ سۆران عومەر ئەندام پەرلەمان کوردستان لە کومەڵەی ئیسلامی، چوارشەممە، وەفەرمی دەسکیشانەوەگەی لە پەرلەمان خستە وەردەس.
وەگورەی بەڵگەنامەی دەسکیشانەوەگە ک رەسیە ئاژانس شەفەق نیوز؛ عومەر داوا لە سەرۆکایەتی پەرلەمان کرد واژوو بکەێدە بان دەسکیشانەوەگەی لە نزیکترین دانیشتن ک بوەسیەێد.
عومەر هووکارەیلەگە بردەو ئەرا ئەوە ک په‌رله‌مان ئەرکەیل خوەی ئەنجام نێدەێد لە یاسا داناین و چەودیری لە کارکردن حکومەت و نوێنەرایەتی راستەقینەی هاووڵاتیەیل کوردستان.
جی باسە ک پەرلەمان کوردستان لە ٧ ئایار گوزەیشتە بڕیاریگ دەرکرد وە لاوردن پارێزبەندی لەبان عومەر، دویای ئەوە ک توومەتبار مەسرور بارزانی سەرۆک وەزیران هەرێم کوردستان کرد گوایە خاوەن بانک و کۆمانیایگە، بەڵکم نووسینگەی راگەیانن بارزانی داوا لەلی کرد بەڵگە وە قسەگانی بخەێدە وەردەس، یا وەرپرسایەتی یاسایی هەڵگرید ئەرا گومرا کردن رای گشتی.
عومەر کۆلبی سەرکردە لە حزب کۆمەڵەی ئیسلامی دویەکە ئەرا ئاژانس شەفەق نیوز وت: دویای ئەوە ک بڕیار دریا وە کیشانەوەی پارێزبەندیەگە لە سۆران عومەر لە ٧ ئایار و دەرچگن فەرمان دەسوەسەرکردنی لەلایەن دادگای هەولێر لە ١٢ی تەمووز، بڕیاردا دەسکیشانەوەگەی لە پەرلەمان بخەێدە وەردەس.