تووشهاتن ٨٥ رۆژنامەنووس لە هەرێم کۆردستان وە ڤایڕۆس کۆڕۆنا
2020-07-05 11:56:59
شەفەق نیوز/ سەندێکای رۆژنامەنووسەیل لە هەرێم کوردستان، ئمڕوو یەکشەممە، خه‌وه‌ر لە تووشهاتن ٨٥ رۆژنامەنووس وە ڤایڕۆس کۆڕۆنا دا لەوەخت دیارکەفتن پەتاگە تا ئیسە.
نەزاکەت عەبدولڵا وەرپرس پێشێلکاریەگان دژ وە رۆژنامەنووسەیل لە سه‌ندێکاگە لە کۆنگرەیگ رۆژنامەوانی ئمڕوو وت: لە وەخت بڵاوبەین ڤایڕۆسەگە تا ئیسە، ٨٥ رۆژنامەنووس تووش کۆڕۆنا هاتنە.
عەبدولڵا باس پێشێلکاریەگان لە وەرانوەر رۆژنامەنووسەیل کرد لە نیمه یەکەم ئی ساڵە، وتیش؛ سه‌ندێکاگە لە ماوەی شەش مانگ گوزەیشتە ٨٧ پێشیلکاری دژوە ١٩٩ رۆژنامەنووس تۆمارکردگە لە هەردگ رەگەزەگە.
