شەفەق نیوز/ عەبدولڵا سەنگاوی، جیگر وەڕیەوبەر تەندروسی سلێمانی، ئمڕوو جومعە، پێشبینی کرد لە زیایبوین بڵاوبوین ڤایڕۆس کۆرۆنا لە پارێزگاگە، دویای وەناوهاتن بڕیگ لە دەرویشەیل لە لایەنگرەیل تەریقەت کەسنەزانی، ئەرا ئامادەبوین لە ره‌سم وەخاکسپاردن گەوراگەیان شێخ محمد کەسنەزانی.
سەنگاوی لە پۆستیگ لەبان ماڵپەر فەیسبووک ئمڕوو نووساد: ئیران وڵاتیەگە پڕە لە کۆڕۆنا، و لە ووڵاتە بەرزەیل دانریەێد لە رێژەی تووشهاتن وە ڤایڕۆسەگە، و هاتن دەرویشەگان کار مەترسیدارێگه‌ ئەرا سلێمانی.
وتیش: بایەس بوی لایەنە ئەمنیەگان لە سلێمانی ریکارەیلیگ بووه‌ن وەرانوەر هاتن بڕ دەرویشەگان لە ئیرانەو، و ئاماژەدا؛ رەوشەگە لە سلێمانی لە ماوەی دوو هەفتەی گوزەیشتە لەلایەن رێژەی تووشهاتنەگان کۆڕۆنا فرە خاسەوبوی. سەنگاوی هەمیش باسکرد ک ؛ پێشبینی کەیمن رەوشەگە لە سلێمانی خراەوترەو بوود، دویای هاتن ئی دەرویشەیلە لە ئیران و ئەو ناوچەیل تر عراق.
سەدان لە لایەنگرەیل تەریقەتەگە تەیمان سنوورییگ ناوبەین عراق لەلای سلێمانی و وئیران، وەزوور پەڕینەو ئەرا بەشداریکردن لە بوونه‌ی وەخاکسپاردن شێخ تەریقەت کەسنەزانی.
شێخ محمد کوڕ عەبدولکەریم کەسنەزانی حسێنی، گەورای تەریقەت کەسنەزانی لە عراق و جهان، لە چوار تەمووز ، لە تەمەن ٨٢ ساڵان، لە ئەمریکا کۆچ دویایی کرد.