شەفەق نیوز/ مەرزە سنوریەگان لە هەرێم کوردستان، یەکشەممە، ئاشکراکرد لە تۆمارکردن چالاكه‌و جموجووڵ نوویگ دویای زیاتر لە سێ مانگ لە بیکاری لەوەر ڤایڕۆس کۆرۆنا.
سامال عەبدولرەحمان وەڕیەوبەر گشتی گومرگ هەرێم ئەرا ئاژانس شەفق نیوز وت: جوولەی بازرگانی لە مەرزە سنوریەگان ئەرا ٣٠% داوەزیا لەوەر ریکارەیل نواگردن ڤایڕۆس کۆرۆنا.
عەبدولرەحمن دیاری کرد؛ ک بازرگانیەگە ئیسە ئەوزەڵکرد دویای سوکەوکردن ئی ریكارەیلە وگورەی ٢٠% ، و پێشبینی کرد ئی ئاستە هەمیش بەرزەو بوود لە رووژەیل ئایندە.
هەرێم کوردستان شەش مەرز بازرگانی سەرەکی دیرێد وگەرد تورکیا و ئیران، وەرپرسە لە هاوردنەوەی دەور ٥٠% لە پێویستەیل کوردستان عراق لە خواردەمەنی و پێکهاتەیلیگ تر جوور پارچەی ماشین و دەرمان و كه‌لوپه‌ل ناوماڵ، هەمیش ژمارەیگ لە کاڵاگان ک وەشیوەی گشتی عراق لە هەردوگ هاوساگا تیەرێدەی.
لە گرنگترین مەرزەیل هەرێم کوردستان عراق وەگەرد ئیران، مەرز حاج عمران، باشماخ، پەرویزخان، گەرمگ، بیجگە مەرزەیلیگ بویچگ ئەرا گواستنەوە گەشتیەگان وچەشتە سوکەگان جوور کێلێ و شۆشمێ و شێخ ساڵح و پشتە.
وەگەرد تورکیا دوو مەرز هەس، یەکەم ئیبراهیم خەلیل و خوەی مه‌رزه‌ سەرەکیەگەس، و سامان گواستنەوەی بازرگانی لەناوی لە ساڵ ٢٠١٨ رەسیە دەور ٥ ملیار دۆلار، وئیجا مەرز سەربەرزی.
هەمیش عراق مەرزیگ تر وەگەرد سوریا دیرێد لەناو هەرێم کوردستان وەناو سیمالکا، بەڵکم لە وەخت شۆڕش سوریا بەسیاگە.
مەرزە سنوریەگان لە هەرێم جوور ئەو مەرزەگان عراق، شەلەل نیمچە تەواوی وەخوەی دی لە وەخت دیارکەفتن ڤایڕۆس کۆڕۆنا و بڵاوبوینی، وبەسانن و قەیەغەگە لە شوونی، ک بویە هشکەوکردن جوولەی گواستنەوەی كه‌لوپه‌ل و کەسەیل وە دریژی چەن مانگیگ