شەفەق نیوز/ تورکمان ئێلی، ئمڕوو چوارشەمە، داوای لاوردن راکان جبوری وەرپرس حکومەتە خۆجێیەگە لەپارێزگای کەرکوک کرد، تا پۆستەگە تەرخان بکریەێد ئەرا پێکهاتە تورکمانیەگە.
ریاز کەهیە وەرپرس حزبەگە لە کۆنگرەیگ رۆژنامەوانی ئمڕو ک پەیامنێر ئاژانس شەفەق نیوز لەناوی بوی، وت؛ پۆست پارێزگەر لە کەرکوک نوێنەرایەتیە، ئەرا نزیکەی سێ ساڵ لە لاوردن پارێزگەر وەرین لەلایەن ئەنجومەن نوێنەران، و وەڕیوەبەرایەتی خۆجێی شکست هاورد ونەتویەنست هاوسەنگی دروست بكا له‌ ناونی پێکهاتەگان.
وتیش؛ جیگر پارێزگار کەرکوک و وەڕیەوبەرایەتیەگە وبەشیگ لە کادیرەیلی سکاڵای دادوەری هابانیان لە لایەن دەزگای دەسپاکی، له‌وەر گەندەڵی دارایی وئیداری، وە کەفالەت پویلی مەرەقز کریانە، و خەڵک کەرکوک وەگشت پێکهاتەگانی بیزار بوینە لەی کارەیلە، و متمانه‌و بڕوا نەیرن وەی وەڕیەوبردنە، وهەمیش یاسا ئویشێد ک دەس تومەتبار بکیشیەێدەو تا لێکۆڵینەوەی گشت کەیسەیلی تەواو بوود.
کەهیە هەمیش وت؛ کار جیگر پارێزگار لە پۆست پارێزگەر جوور پارێزگاریگ وەنوێنەرایەتی لە روژ ٢٥/٩/٢٠١٩ کۆتایی وەپی هات، وه‌گویره‌ی مادەی ٥٨ لە یاسای بوودجەی فیدڕاڵی ئەرا ساڵ ٢٠١٩ (خاسکردنەوەی یەکەم) ک ئەو روژە دیاری کرد جوور دویاترین روژ ریدان لە وەڕیەوبردن پۆستەگان وەنوێنەرایەتی، وهەر رێوشوێنیگ دویای ئەوە وە پویچەڵ دانریەێد، وگشت کارەیلی دویای ئەو روژە وە پێشەلکردن ئاشکرای یاسا دانریەێد، وشایستەی پرسیارکردن دادوەریە. وداوای کۆتایی رەوش وەڕیەوبردن وەنوێنەرایەتی کرد لە پارێزگای کەرکوک، تا کەسایەتی تورکمانی قەبوڵ کریاگ لە خەڵک کەرکوک ئەرا پۆستەگە پەسەن بکریەێد، ودوو جیگر لەپێکهاتەی عەرەب و وکورد وەگورەی دەستور عراقی یاسای ٧٨ ، ولەبان فەرمان دیوانی ژمارە (١٩٩) لە ٣٠/٤/٢٠٢٠ ، ک تایبەتە وە پارێزگای زیقار ، وجیوەجی کردن یەکسانی کۆمەڵایەتی ک باسی کریاگە لە دەستور عراقی، ویاسایل ماف مرۆڤ، وپیشکەش کردن ماف وەڕیەوبردن تورکمان لە ناوچەیلیان، وەگورەی دوو یاسای ( ١٤ و ١٦ ) لە دەستور.
ئاماژەیە ک دویای ریفڕاندۆمەگە ک هەرێم کوردستان لە ئەیلول ٢٠١٧ ئەنجامی دا و ناوچە دابڕیایەگان گردەو، حکومەت فیدڕاڵی و پەڕلەمان عراقی نەجمه‌دین کەریم پارێزگار وه‌رین ك کورد بوی لە پۆستەگەی لاوردن، ، وپارێزگاریگ لە نەته‌وەی عەرەب ، وەنوێنەرایەتی دانان.