حکومەت هەرێم کوردستان وه‌خت دیاریكرد ئەرا جیوەجیکردن چاکسازی لە وەزارەت پێشمەرگە
شەفەق نیوز/ حکومەت هەرێم کوردستان، رووژ یەکشەممە، وه‌خت دیاری کرد ئەرا جیوەجیکردن پڕۆژەی چاکسازی لە وەزارەت پێشمەرگە.
مه‌سروور بارزانی سەرۆک حکومەت هەرێم، سەرپەرشتیاری کرد لەبان کۆبونەوە تایبەتەگە وە چاکسازیەگان لە وەزارەت پێشمەرگە، ئەویش لە ری بازنەیگ تەلەفزیۆنی بەسیاگ وە سیستم '' ڤیدیۆ کۆنفڕانس''.
وەزیر پێشمەرگە رووشنایی خستە بان گامەیل جیوەجیکردن یاسای چاکسازیەگە لە وەزارەتەگە، وەگەرد باسکردن لە داواکاریەگان ئەرا وەجیهاوردن کارە چاکسازیەگە و سەرکەفتنی.
بەیاننامەیگ لە حکومەت هه‌رێم رەسیە ئاژانس شەفەق نیوز وت: دویای گواستنەوەی قسەو باس دەربارەی تەوەرە گرنگەیل ئەرا چاکسازی لە وەزارەت پێشمەرگە لە لایەن بەشدارەیل کۆبونەوەگە، بڕیاردریا وە جیوەجیکردن گشت باوەتەگان ک وەچاکسازی پەیوەندی دیرێد، وەگورەی وه‌ختێگ دیاری كریاگ، و شیوەیگ ک ریزەکردن کەرتەیل بگریدەو و هەمیش رێکخستنی و دووارە دروسکردن مەلاک وەزارەتەگە و پلە سەربازیەگان و باوەت خانەنشینەیل و باوەت شەهیدان و کەمئەندامەیل و پڕۆژە هاوبەشه‌گان له ناوبەین هاوپەیمان ناودەوڵەتی و وەزارەت پێشمەرگە.
