شەفەق نیوز/ وەزارەت رۆشنبیری و لاوان کوردستان، و فەرمانگەی راگەیانن و زانیاری لە حکومەت هەرێم کوردستان، سێشەممە، راگەیان لە دروسکردن دەسەیگ هاوبەش ئەرا چەودیری و هەماهەنگی ئەرا ئەرکدارکردن راگەیانن وە گرنگی داین وە هەڵمەت نواگردن ڤایڕۆس کۆڕۆنا.
لە بەیاننامەیگ ئەرا وەزارەتەگە ك رەسیە ئاژانس شەفەق نیوز هاتیه‌: وەزارەت رۆشنبیری و لاوان کوردستان و فەرمانگەی راگەیانن و زانیاری، ئمڕوو سێشەممە، کۆبونەوەیگ بەسا لەوه‌ر روشنایی دویاترین کۆبەنەوەی دەسەی باڵا ئەرا نواگردن کۆڕۆنا، ولە بان بنەمای خواست مەسرور بارزانی سەرۆک حکومەت هەرێم، و ئەرا گشەداین وە هەڵمەت هووشیاریکردن هاووڵاتیەیل وە پابەندی وە رینما تەندروسیەگان، وەهاوکاری دەمەزراوەیل راگەیانن لە هەرێم کوردستان.
لەباوەت چونیەتی هووشیارکردن هاووڵاتیەیل و پابەندی وە رینما تەندروسیەگان، لە کۆبونەوەگە باسکریا دەربارەی سیاسەت حکومەت هەرێم کوردستان لە نواگردن ڤیڕۆس کۆرۆنا، و پابەندکردن دامەزراوەیل راگەیانن وە رینمایل وەزارەت تەندروسی ئەرا نواگردن ڤایڕۆس کۆڕۆنا.
بەیاننامەگە ئاماژەدا؛ وەزارەت رۆشنبیری و لاوان کوردستان، و فەرمانگەی راگەیانن و زانیاری، دەسەیگ هاوبەش دروس کردن تا وەگەرد دامەزراوەیل راگەیانن لە هەرێم کاربکەن ئەرا دیاری کردن سیاسەت تەندروسی حکومەت هەرێم لە نواگردن پەتای کۆڕۆنا.
بەیاننامەگە دیاری کرد؛ کۆبونەوەگە ئەنجام دریا وەگەرد وەرپرسەیل دامەزاوەیل راگەیانن لە ری ڤیدیۆ کۆنفڕانس، و یەکەمین کارەیل دەسەگە خوەی چوونیەتی هووشیارکردن هاووڵاتیەیل وەرانوەر ڤایڕۆس کۆڕۆنا لە ری راگەیانن.
وەگورەی ئامار وەزارەت تەندروسی، ٩٦٩٥ كه‌س تووشهاتن وە ڤایڕۆس کۆرۆنا تۆمار کردگە لەوەخت دیارکەفتن پەتاگە تا دویەکە دووشەممە، لەلیان ٣٤٠ مردن و ٥٣٢٤ خاسەوبوین.