شەفەق نیوز/ وەزارەت کشتوكاڵ لە حکومەت هەرێم کوردستان ئمڕوو سێشەممە، راگەیان قەیەغەی هاتوچگنە گشتگیرەگە لە هەرێم کارەگەری داشتیه‌ له‌بان بەرهەمە کشتوکاڵیە ناوخۆیەگان.
وەزارەتەگە لە بەیاننامەیگ ك رەسیە ئاژانس شەفەق نیوز وت؛ دویای راگەیانن لە قەیەغەی هاتوچگنەگە جوور رییگ ئەرا مقەیەتی لە ڤایڕۆس کۆڕۆنا، گیچەڵ فەوتانن لە کێڵگەو پڕوژە کشتوکاڵیەگان هاتەدی، وتیش ک ئی وەرزە وەرز دەرەوە، وبەرهەم کشتوکاڵی رەسێد، ئەراوە قەیەغەگە کارەگەری راستەخۆ لەبان ئەو بەرهەمەیلە داشتگە.
وەزارەتەگە ئەرا جفتیارەیل باس کرد؛ ک وەزارەتەگە راپۆرتیگ ئەرا ئەنجومەن وەزیران هەرێم کوردستان بەرزەو کردگە، ئەرا ئاسانکاری لە هاتوچگندان، تا زەرەد وە بەرهەمەیلدان نەێد.
وەزارەتەگە لە بەیاننامەگەی وتیش؛ وەل لایەنە پەیوەندیدارەگان کارکەێد، ئەرا چارەسەری گرفت جموجوول کشاورزەیل وخاوەن پڕۆژە کشتوکاڵیەگان.
وەزارەت ناوخۆی هەرێم کوردستان، دویای بەرزوەبوین رێژەی تویشهان وە ڤایڕۆس کۆڕۆنا ، دویای نیمەشه‌و یەکشەممە، قەیەغەی هاتوچگن گشتگیریگ تا ماوەی یەک هەفتە راگەیان ،.
بڕیگ لە جفتیارەیل لە شار هەولێر، ناڕيەزایەتییگ رێکخستن، لەوەر زیان لەنرخ بەرهەمیان، بیجگە مەترسییان لە خراوبوینی، یا توشهاتنی وەنەخوەشی دویای راگەیانن قەیەغەگە.