شەفەق نیوز/ وەڕیەوبەرایەتی تەندروسی گشتی لە ئیدارەی ناوچەی راپەڕین لە هەرێم کوردستان، ئمڕوو پەنجشەممە، راگەیان لە خاسەوبین وەتەواوی ٢٩ تووشهاتگ وە ڤایڕۆس کۆرۆنا.
وەڕيوبەرایەتیەگە لە بەیاننامەیگ بڵاویکرد وت: ئمڕوو، ٢٩ تووشهاتگ لە سنوور ئیدارەی ناوچەی راپەڕین خاسەوبوین، تا ژمارەی خاسەوبویەیل بەرزەوبوود ئەرا ٩٩ کەس.
بەیاننامەگە داوا لە هاوڵاتیەیل کرد وە پابەندی رینما تەندروسیەگان، و دویرەوکەفتن لە شوونە قەرەباڵغەگان، و وەکارهاوردن دەمامەک و دەسکیش.