شەفەق نیوز/ کوردە فەیلیەگان لە دیالە، ئمڕوو چوارشەممە، داوای دروسکردن کۆمەڵگەی نیشتمانی یەکگردگ کردن ئەرا یەکگردن کورده‌یل فەیلی لە دیالە، و وەرگری کردن لە مافە تاڵانکریایەیلیان لە گشت حکومەتەگان لە شوون یەک.
حەیدەر سەتار مەندەلاوی ئەندام ئەنجومەن مەنەلی ' کوردی فەیلی؛ پویچەڵ کریاگ ئەرا ئاژانس شەفەق نیوز وت: کورد فەیلی خوەیان زۆرینەن لە ناحیەی مەنەلی، و لە ٦٠% زیاتربوین لە دانیشتوەیل ناحیەگە لە سی ساڵ گوزەیشتە، وەلی رەوشەیل وەزوور دویرەوخستن ک رژیم وەرین کردیادەی و وەگەرد جەنگەی عراق و ئیران بوویە هووکار کۆچ کردن وکەمەوبوین ئەرا کورد فەیلی وەرەو کەمتر لە ٣٥% لە مەنەلی.
مەندەلاوی دووپاتکرد ئەرا نەبوین بنەمایل خزمەگوزاری ورمانن کەرت کشتوکاڵی لەوەر قەیران ئاو و وەپشتگووش خستن حکومەتی ئەرا ناحیەگە، گشتی هووکارەیل نواگیەرە لە هاتنەوەی کورده‌یل فەیلی ئەرا ناوچەیلیان لە مەنەلی، وەگەرد وەپشتگووش خستن مافەیل یاساییان لە قەرەبووکردن و هاوردنەوەی ماڵداریە تاڵانکریایەگانیان تا ئیسە، و ئاماژەدا ک کورد فەیلی لە ئاوایەگان مەنەلی زۆرینەن و هەمیش هانە ٦ گەڕەک لە ناوەند شارەگە.
مەندەلاوی داوا لە هێزو بزوتنەوەیل کورد فەیلی کرد ئەرا یەکگردن كوششه‌یل جەماوەری ئەرا دروسکردن کۆمەڵگەیگ نیشتمانی ک کورد فەیلی گردەو بکەێد، و دەرەیلی واز بکەێد لەنوای پێکهاتەیلیگ تر پاڵپشتی و هەوڵ دەن ئەرا مافەیل مەنەلی، ولەژیر یەک ئاڵا، ئەرا کۆتایی هاوردن وە سەردەم تاڵ ودریژیگ لە ستەم و ئاوارەکردن کە دانیشتوەیل مەنەلی وەتایبەت کوردە فەیلیەگان وەخوەیان دین.
کورد فەیلی کەفتە وەر بارکردن لە سەردەم ئەحمەد حەسەن بەکر سەرۆک وەەرین لە ساڵەیل ١٩٧٠ و ١٩٧٥ ، وئیجا لە پشتی سەدام حسێن لەساڵ ١٩٨٠ وە دەسپیچگ لایەنگری ئیرانی، و شناسنامە لەلیان سەنیاوە.
فەیلی لە دانیشتوەیل عراقن و لە باکوورەو لە ناوچەیل جەلەولا و خانەقین و مەنەلی نیشن، تا ناوچەیل عەلی غەربی لە باشوورەو و ئیجا ناوچەیل بەدرەوجەسان و کوت و نوعمانیە و عەزیزیە.
کورد فەیلی هەمیش نیشتەجی بەغدادە لە ناوچەیل ' حەی ئەکراد' و باب شێخ و سەدریە و دەهانە و شۆرجە وکفاح و جەمیلە، وهەمیش هانە ناوچەیل بەیاع و عتێفیە و کازمیە و حوریە و شارع فەلەستین.