دروس كردن دو خوه‌ندنگاێ تازه له خانه‌قین
2015-05-27 14:54:47
وه‌ڕێه‌وبه‌ر په‌روه‌رده‌ێ دیاله جه‌عفه‌ر معه‌ن زه‌رگووشی له لێدوانێگ ئه‌ڕا (شه‌فه‌ق نیوز) وت: فه‌رمانگه‌ێ ئه‌ندازیاری وه‌سه‌رپه‌ره‌سی كادره‌یل ئه‌ندازیاری پارێزگای دیاله دو مه‌دره‌سه دروسكردنه، یه‌كم قوتابخانه‌ێگ شه‌ش پولی له خانه‌قین و دويه‌م قوتابخانه‌ێگ وه‌كه‌ره‌ڤان له‌قه‌ره‌ته‌په ك ئه‌ویش شه‌ش پولیه وه‌ل گشت هه‌وه‌جه‌يليا.
زیاتر وتگه: پرۆژه‌یل خوه‌ندنگاگان له چوارچێوه‌ی پلان وه‌ڕێه‌ويه‌راێه‌تی په‌روه‌رده‌ێ دیاله دروسكریانه ئه‌ڕا زیاێه‌وكردن ژماره‌ێ قوتابخانه‌یل له قه‌زاێ خانه‌قین و چاره‌سه‌ركردن قه‌ره‌باڵخی قوتابخانه‌گان.
زه‌رگوشی جه‌خت كردگه، ئمساڵ چه‌ن مه‌دره‌سه‌ێگ تر وه هاوكاری وه‌ل ئه‌نجومه‌ن پارێزگاێ دیاله و دیوان پارێزگا له چوارچێوه‌ێ پلان هه‌رێمه‌یل دروس كریه‌ێ، بێجگه خاسه‌وكردن چه‌ن مه‌دره‌سه وه‌هاوكاری وه‌ل ڕێخكرياگه‌يل ناوده‌وڵه‌تی له پارێزگاگه.
پارێزگاێ دیاله وه‌گشتی كیشه‌ێ كه‌می مه‌دره‌سه دێرێ و كاروه‌ده‌سه‌یل په‌روه‌رده‌یی جه‌خت كه‌ن ك پارێزگاگه هه‌وه‌جه وه زیاتر له 600 مه‌دره‌سه‌ێ تازه دێرێ.
