ده‌سپاكى كوردستان زياتر له 5 مليار دينار له كۆمپانيايگ هاورده‌و
شه‌فه‌ق نيوز/ ده‌سه‌ى ده‌سپاكى له هه‌رێم كوردستان ئاشكراى ئه‌وه كرد له ئه‌نجام چه‌وديريكردن پرس په‌ككه‌فتن يه‌كيگ له كۆمپانيايه‌يل كاركه‌ر له بوار پابه‌نديه‌يل دارايى، تويه‌نستگه زياتر له 5 مليار دينار له به‌رژه‌وه‌ندى وه‌ڕيه‌وبه‌رايه‌تى شاره‌وانى سلێمانى بارێده‌و.
له به‌ياننامه‌يگ ره‌سانن ده‌سه‌گه ئه‌را شه‌فه‌ق نيوز ئه‌وه ده‌ركه‌فت ك له‌چوارچيوه‌ى وه‌رده‌وامى كار و چالاكيه‌يلى له مقه‌يتيكردن سامانه‌يل گشتى، وه‌ڕيه‌وبه‌رايه‌تى په‌يجوورى سلێمانى له شكايه‌تيگ ئخبارى وه گووره‌ى چه‌ن كتاويگ فه‌رمى تويه‌نستگه چه‌وديرى هووكاره‌يل جيوه‌جى نه‌كردن پابه‌نديه‌يل دارايى له‌لايه‌ن كۆمپانياى(ك.ق) وه‌رانوه‌ر شاره‌وانى سلێمانى له وه‌پيداين زه‌وى ئه‌را يه‌كيگ له پرووژه‌يلى.
به‌ياننامه‌گه هه‌ميش وت: دوياى په‌يجوريه‌يل ده‌سه‌ى ده‌سپاكى، شاره‌وانى سلێمانى ئاگادارى كردگه ك كۆمپانياى ناوبرياێ بڕ (5 مليار دينار و 481 مليۆن و 846 هه‌زار دينار)خسته‌سه بان هساوه‌يلى وه‌رانوه‌ر نه‌داين ئه‌و پارچه زه‌ويه وه‌پى، يه‌يش وه‌و مانا پويله‌گه هاورياوه ئه‌را شاره‌وانى.
