دويه‌ته جه‌نگاوه‌ره‌يل كورد ئيران مه‌شق و وه‌رگرى له هه‌رێم كوردستانه‌و ئه‌كه‌ن
شه‌فه‌ق نيوز/ زياتر له 300 خوه‌يبه‌خش دويه‌ت له كادره‌يل حزب "ئازادى كوردستان" دژ وه رژيم ئيرانى وه سه‌رۆكايه‌تى جه‌نراڵ حسێن يه‌زدان په‌نا، مه‌شقه‌يل جه‌نگى خوه‌يان له يه‌كيگ له سه‌ربازگه‌يل مه‌شقكردن سه‌ر وه حزبه‌گه له خوه‌رهه‌ڵات پاريزگاى هه‌ولێر له هه‌رێم كوردستان عراق ته‌واو كردن.
له‌و باوه‌ته‌و، رێباز شه‌ريفى سه‌ركرده‌ى مه‌يدانى جه‌نگاوه‌ره‌يل حزبه‌گه و سه‌رپه‌رشيار گشتى له‌بان مه‌شق دويه‌ته‌يل خوه‌يبه‌خش(ته‌وار) وت: دويه‌ته‌يل خوه‌يبه‌خش مه‌شقه‌يليان ته‌واو كردنه ك 4 مانگ دريژه داشتگه له‌بان گشت جووره چه‌كيگ و ئيسه‌يش ئاماده‌ن ئه‌را وه‌رگرتن ئه‌ركه‌يليان.
جى باسه، شه‌ريفى هه‌ميش وت: روژانه شماره‌ى فريه‌يگ له دويه‌ته‌يل خوه‌يبه‌خش كورد روێ له سه‌ربازگه‌يل حزبه‌گه ئه‌كه‌ن له زوورم شاره‌يل كوردستانييه‌و له كوردستان ئيرانه‌و فريه وه حه‌ماسن ئه‌را هه‌ڵگرتن چه‌ك دژ وه رژيم ئيرانى و به‌شدارى كردن له‌جه‌نگ دژ وه‌و رژيمه.
