شەفەق نیوز/ رێکخراو '' هیومن رایتس ووتچ'' ، ئمروو دووشەممە، توومەتبار حکومەت هەرێم کوردستان کرد وە نواگردن دەور ١٢٠٠ خیزان عەرەب لە چگنەوەیان ئەرا ماڵەیلیان لە پەنج ئاوای، دویای زیاتر لە شەش ساڵ لە رزگارکردن ناوچەگە لە دەس ریخریاگ داعش.
رێکخراوەگە وت: دەسەڵاتەیل کورد ری دانە دانیشتوە کوردەگان وە چگنەوەیان ئەرا ماڵەیلیان لەئاوایەیل ئەو ناوەچ، لە ناحیەی رەبیعە خوەرئاوای پارێزگای دهۆک.
بەلقیس والی، یەکەمین توێژینەوەر لە بەش قەیران و ململانەگان لە ''هیومن رایتس ووتچ'' وت: ئی ریکارەیلە نوقڵانە دەن ک عەربەگان قەیەغە کریانە لە چگنەوە جوور سزادانیگ، وەگورەی بەیاننامەی رێکخراوەگە ک ئاژانس شەفەق نیوز چەودیری کردگە.
وتیش: لە ناوبەین تەشرین یەکەم ٢٠١٩ و حوزەیران ٢٠٢٠، '' هیومن رایتس ووتچ'' چەوی کەفتە چه‌ند کەسیگ لە دانیشتوەیل پەنج ئاوایەگە، ''جدریە، و مەحمودیە،و قاهیرە، و سویدیە، وسوفیە'' ک داعش ئەرا ماوەی کەمیگ کۆنتڕۆڵی کردوێد لە ٣ ئاب ٢٠١٤ ، و پێشمەرگە لە ماوەی چەن رووژیگ دووارە کۆنتڕۆڵیکرن ، و دانیشتونەگانی وتن؛ هیمان پیشمەرگە کۆنتڕۆڵ ئەو ناوچە کردگە، و ناواگیریی لە چگنەوەیان کەن، و مەزەنەی قەیەغەکریاگەیل لە چگنەوە کریا وە دەور ١٢٠٠ خیزان.
لەلای خوەیەو دیندار زێباری، هەماهەنگکار كاروباره‌ ناودەوڵەتیەگان لە حکومەت کوردستان، وەڵام راپۆرته‌گه‌ دا دەربارەی پەنج ئاوایەگە ک ''هیومن رایتس ووتچ'' لێکۆڵینەوە لەلی کردگە، وت: ئەو ئاوایەیلە وەگشتی ویران کریانە لە مەوقەی ئۆپراسیۆن هاوردنەوەی ئەو ناوچانە لە لایەن هێزە ئەمنیەگان لەدەس داعش لە ٢٠١٦ و ٢٠١٧ .
زێباری وتیش: وەرپرسەیل کۆمەڵگای خۆجێی ئەرای وتن: ک نێەتویەنن بچنەو ناوچەگە، لەوەر مەترسی لە کۆمەڵە چەکدارەیلیگ ک ناویان دیاری نەکردن، و شانەیلیگ خەفتگ لە داعش، و گورزە ئاسمانیەگان تورکیا، و بوین پەکەکە له‌و ناوچانه‌ و پاوەنکردن جوولە لەوەر ڤایڕۆس کۆرۆنا.
وتیش هەڵمەتەگان ناوبەین حکومەت هەرێم کوردستان و بەغداد وەردوامن ئەرا خاسکردن میکانزمە ئەمنیە هاوبەشەگان لە ناوچەگە و ئاسانکردن چگنەوەیان.