شەفەق نیوز/ رێکخراو مناڵه‌یل یونیسێف ئمڕوو سێشەممە وت: وزارەت پەروەردەی حوکومەت هەرێم کوردستان، وە پشتگیری رێکخراوەگە، کەناڵیگ ئاسمانی ئەرا هوکارەکردن مناڵەیل ، لە وەختیگ ک هیمان مەکتەبەیل بەسیانە وەخاتر پەتای کۆڕۆنا.
رێکخراوەگە ئمڕوو لە بەیاننامەیگ وت؛ دەور ١،٥ مەلیۆن مناڵ لە پۆل یەک بنەڕەتی تا پۆل ١٢ وه‌ گویره‌ی ئه‌و سیسته‌مه‌ لەماڵەو خوەنن . وەکارهاوردن ئی سیستمە ئەرا مناڵەیل ئاوارەیش لە هەرێمەگە وازو ئازاده‌ .
بەیاننامەگە لە زوان حەمیدە لاسیکۆ نوێەنەر یونیسێف لە ‌عیراق وت؛ بەسانن مەکتەبەیل کارگەری خراو ناسه‌ بان رەوش ناسک مناڵه‌یل، چوینکە ئەوانەیگ لە نەداری و له‌ناو کەمپەیل گوزران کەن، نیەتویەنن وەگەرد هوکارەبوین بگونجیەن، وشایەت دەرفەت نەیاشتون ئەنتیرنیت بکەفێدە دەسیان.
وتیش؛ ئەزمونەیل هوکارەمان کرد ک هەرچەنی مناڵ رەوش ناسک لە مەکتەب دویرەو بود، ئەوەنە ئەگەر هاتنەوی کەمترە.
کەناڵەگە ک ناسریاگە وە Kanalli Parwadaee پەخش وە زوان کوردی ( سۆرانی) و سیریانی کەێد.