شەفەق نیوز/ محمد جواد زەریف وەزیر دەرەوەی ئیران، راگەیان ئیوارەی ئمڕوو یەکشەممە، روی کەێدە هەولێر ئەرا دیدار نێچیرڤان بارزانی سەرۆک هەرێم کوردستان.
زەریف لە وەخت رەسینی ئەرا فڕۆکەخانەی ناودەوڵەتی بەغداد ئەرا رۆژنامەنووسەیل وت: ئیوارە سەردان هەولێر کەم ئەرا دیدار سەرۆک هەرێم. وتیش: ئامانج سەردانەگەی، پاڵپشتیە لە پەیوەندیە دوانیەگان ناوبەین عراق و ئیران، و ئامادەکاریە ئەرا سەردان چەوەڕیکریاگ موستەفا کازمی سەرۆک حکومەت عراق ئەرا تەهران.
وەزیرەگە هەمیش وت: لە تەوەرەیل سەردانەگەی ئەرا بەغداد باسکردنە لە کاریگەریەگان کوشتن قاسم سلێمانی فەرماندەی وەرین فەیلەق قودس لە پاسەوان سەوری ئیرانی، و ئەبو مەهدی موهەندس جیگر وەرپرس دەزگای حەشد شەعبی، و یاوەرەیلیان.