شەفەق نیوز/ دەسەی باڵای ئۆپراسیۆنەگان پارێزگای سلێمانی ئەرا نواگردن ڤایڕۆس کۆڕۆنا، ئمڕوو چوارشەممە، راگەیان لە چەسپانن قەیەغەی یەکجاری لەبان جوولەی ماشینەگان، لە سوو پەنجشەممە تا وه‌خت نادیارر نادیار، وەگەرد ریداین وە جوولەی پیادە وەمەرج پابەندییان وە رینما تەندروسیەگان ئەرا مقەیەتی لە پەتای کۆڕۆنا.
لە بڵاوکردن دەسەگە ئەرا گشت کەرت وەڕیەوبردنەگان و فەرمانگەیل پەیوەندیدار لە سنوور سلێمانی، ک ئاژانس شەفەق نیوز چەودیریی کرد؛ دەسەگە ئمڕو چوارشەممە، له‌ شوون گفتوگۆ وقسە وەگەرد وەزیر ناوخۆ لە هەرێم کوردستان لەباوەت رێکارەیل نواگردن ڤایڕۆس کۆڕۆنا، وت: بڕیاردا لەبان جیوەجیکردن و چەودیری گشت بڕیارەگان لە روژ ٢٠/حوزەیران ٢٠٢٠ ، ک کردەی بەیاننامەیگ لە رینمایل مقەیەتی تەندروسی، لەوەخت بازاڕکردن.
وتیش؛ لە روژەیل هاتگ بەشەوکردن مووچە دەسکەێدەپی، وفەرمانگەگان و بانکەگان سەروە وەزارەت دارایی دەوام کەێد وەگورەی رێکار و رینما تەندروسیەگان، و دیاری کرد ک فەرمانگەگان وەگورەی خود لیست و رێکارەیل دابەشکردن مووچە کارکەێد، لەو روژەیلە ک دیاری کریەێد.