شەفەق نیوز/ تا ئیسە هیچ بڕیاریگ فەرمی دەرنەچگە ئەرا دووارە کردنەوەی ده‌ر مزگەفتەیل لە پارێزگای سلێمانی، بەڵکم هەڤاڵ ئەبوبەکر وەرپرس حکومەتە خۆجێیەگە ئمڕوو شەممە، راگەیان ک ئەوەسا وه‌ل لایەنە پەیوەندیدارەگان گفتوگۆ کەێد ئەرا بڕیاریگ لەی باوەته‌.
ئەبوبەکر ئەرا رۆژنامەوانەیل وت: لە باوەت کردنەوەی دەر مزگەفتەیل، بڕیارە گفتوگۆ لەبان ئی باوەتە بکریەێد وەگەرد وەڕیەوبەرایەتی ئەوقاف، و یەکێتی زانایه‌یل ئاین ئیسلامی، و دەسەی باڵای فەتوا، لەبان راگان، تا بتوێەنیمن بڕیاریگ گونجیاگ لەو باوەتە بویەمن.
لەباوەت رەوش پارێزگاگە ئەبوبەکر دووپاتکرد ک سلێمانی پێشکەفتنیگ وەدەس هاورد لە باوه‌ت نواگردن ڤایڕۆس کۆرۆنا، وئاماژەدا وە کەمەوبوین رێژەی تووشهاتن و مردن وە بیماریەگە.