سەرۆک هەرێم کوردستان له هەواڵ تەندروسی ئه‌میر کوەیت پرسێد
2020-07-20 10:57:47
شەفەق نیوز/ نێچیرڤان بارزانی سه‌رۆک هەرێم کوردستان، دویەکە یەکشەممە، پەیامیگ رەوانە کرد ئەرا شێخ سه‌باح ئەحمەد جابر سوباح، وەبۆنی سەرکەفتن نەشتەرگەریەگە ک ئەرای ئەنجام دریا.
لە بەیاننامەیگ ئەرا سەرۆکایەتی هەرێم کوردستان رەسیە ئاژنس شەفەق نیوز وت: بارزانی لە پەیامەگەی باس لە پیروزبایی و خوەشحاڵی خوەی کرد ئەرا سەرکەفتن نەشتەرگەریەگە ک ئەرا شێخ سه‌باح ئەنجام دریا، وداوا لە خودا کرد وەسەڵامەتی و خاسەوبوین زوینەی.
بەیاننامەگە وتیش؛ بارزانی هیوای تەندروسی خاس و تەمەن دریژی ئەرا ئه‌میر کوەیت و وەردەوامی گەشەو ژیان دڵخوەشانه ئەرا گەل کوەیت لە سای سەر ئه‌میره‌گه‌ی خوازێ.
