شەفەق نیوز/ سەرۆکایەتی هەرێم کوردستان، ئمڕوو سێشەممە، رەت کوشتن هشام هاشمی پسپۆڕ سیاسی وئەمنی کرد، وداوا لە دەسه‌ڵاتە عراقیەگان کرد وە ئاشکراکردن تاوانبارەیل.
سەرۆکایەتی لە بەیاننامەیگ ئمڕوو رەسیە ئاژانس شەفەق نیوز وت: کوشتن توێژینەوەکار هشام هاشمی تاوان رەتکریاییگە خریەێدە بان سەدان لە تاوانەیل کوشتن خەڵک عراق لە خۆپیشاندارەیل بی چەک و خاوەن گفتاره‌یل ئازاد.
بەیاننامەگە رەت ئی پەلامار کرد، وپرسەو سەرەخوەشی ئەرا کەسوکار کۆچکردگ ئاڕاستەکرد، و داوا لە دەسه‌ڵات فیدڕاڵی کرد وە ئاشاکرا کردن تاوانبەرەیل و ئەوەی ک لەشوونی وسیاگە، و بخریەنە وەردەس دادگا.
کۆمەڵە چەکداریگ وە دوو ماتۆرسکڵ دویەکە تەقە لە هشام هاشمی لەوەردم ماڵەگەی کردن لە ناوچەی زیونە، ک بویە هووکار کوشتنی. هشام هاشمی تەمەن ٤٧ ساڵ، پسپۆڕ تایبەت بی وە باوەتەیل کۆمەڵە چەکدارەیل، و خوەی نووسەروخاوەن توژێنەوەیل ستڕاتیژی فرەیگ بی.