شه‌فه‌ق نيوز/ ئيواره‌ى سێشه‌ممه‌ شاند حكومه‌ت هه‌رێم كوردستان، كووتايى وه‌ گفتگووه‌يلى وه‌ل وه‌رپرسه‌يل حكومى له‌ به‌غدا هاورد و وه‌شيوه‌يگ بنه‌ڕه‌تى دقه‌ت له‌بان دوسيه‌ى وزه‌ كرد.

له‌ى باوه‌ته‌و خالد شوانى وه‌زير هه‌رێم ئه‌را شه‌فه‌ق نيوز وت: سوو چوارشه‌ممه‌ وه‌ سه‌رۆكايه‌تى حكومه‌ت هه‌رێم كوردستان دانيشيم ئه‌را تاووتويكردن ده‌رئه‌نجامه‌يل دانيشتنه‌يل وه‌ل وه‌رپرسه‌يل حكومى له‌ به‌غدا.

هه‌ر له‌هه‌مان باوه‌ت، سه‌رچه‌وه‌يگ باڵا له‌ هه‌رێم كوردستان ئاگادار شه‌فه‌ق نيوز كرد ك هه‌ولێر چه‌وه‌ڕێ شاند تايبه‌ته‌ له‌ حكومه‌ت عراقييه‌و ئه‌را تاووتوێكردن دوسيه‌ى وه‌به‌رهاوردن غاز هه‌رێم.