عه‌شاير عه‌ره‌ب له كوردستان وه 50 هه‌زار جه‌نگاوه‌ر دژ په‌لاماره‌يل توركيا به‌شدارێ ئه‌كه‌ن
شه‌فه‌ق نيوز/ سه‌رۆك هووز و ده‌مچه‌رمگه‌يل عه‌شاير و هووزه‌يل عه‌ره‌ب له كوردستان سوريا، ئاشكراى وه‌ته‌نگه‌وچگن بار نائاسايى كردن ك له‌لايه‌ن ئداره‌ى زاتييه‌و ئاشكرا كريا ئه‌را روێ وه‌ڕوێ وبوينه‌وه‌ى پرووسه‌يل سه‌ربازى توركى و ئاشكراى ئاماده‌گى خوه‌يان كردن ئه‌را پيشكه‌شكردن 50 هه‌زار جه‌نگاوه‌ر له‌و باوه‌ته‌و.
سه‌رۆك هووزه‌يل عه‌ره‌ب له به‌ياننامه‌يگ وتن: ئيمه‌ى سه‌رۆك هووز و هووزه‌يل عه‌ره‌ب له ناوچه‌گه ئاشكراى ئه‌وه ئه‌كه‌يم گشتمان يه‌كڕزيم له‌پشت رووڵه‌يلمان له هيزه‌يل سورياى ديموكرات، ته‌نيا هيزيگ ك جه‌نگ كرد و گشت وژه‌يگ له‌ى خاكه وه خوين پاك خوه‌ى رزگار كرد له داعش.
سه‌رۆك هووزه‌يل له به‌ياننامه‌گه هه‌ميش وتن: ئيمه جوور سه‌رۆك هووزه‌يل عه‌ره‌ب له باكوور و خوه‌رهه‌ڵات سوريا، ئاماده‌يم ئه‌را پيشكه‌شكردن نزيكه‌ى 50 هه‌زار جه‌نگاوه‌ر له رووڵه‌يل عه‌شاير و هووزه‌يل عه‌ره‌ب له باكوور و خوه‌رهه‌ڵات سوريا ئه‌را ئه‌وه‌گ له‌چير په‌رچه‌م هيزه‌يل سورياى ديموكرات بوون له‌وه‌ر روێ وه‌روێ بوينه‌وه‌ى داگيركار عوسمانى.
