فڕۆکه‌خانەی سلێمانی له‌باوه‌ت کۆمپانیاییه‌ل گەشت بیگانە هوشداری دا
شەفەق نیوز/ وەڕیەوبەرایەتی فڕۆکه‌خانەی دەوڵەتی سلێمانی هوشداری وه مەردم دا ک مامەڵە وەگەرد کۆمپانیایه‌ل گەشتو گوزار بیگانه نەکەن ک باس لە هاتنەوەی کاروان ئاسمانی لە فڕۆکه‌خانەگە کەن.
تاهیر عەبدوڵا وەڕیەوبەر گشتی فڕۆکه‌خانەگە، باس هاتنەوەی کاروانەیل ئاسمانی فڕۆکه‌خانەگە وەنەبوین دانا، چوینكه هویچ رێنامییگ نوو لەی باوەتەو نیە.
تاهیر لە وتاریگ رۆژنامەوانی ئمڕوو وت؛ بڕیگ لە کۆمپانیایل بیگانە کارت گەشت وەبەرزترین نرخ فروشن ئەرا گیرهاتگەیل ئۆروپا و وڵاتەیلیگ تر، ئەوانەگ خوازن بانەو ئەرا هەرێم. وتیش؛ داوا لە هاووڵاتیەیل کەم مامەڵە وەگەرد ئیجووره کۆمپانیایلیگ نەکەن.
تاهیر هەمیش وت؛ تا ئیسە هویچ رێنمایلیگ دەرنەچگە ئەرا هاتنەوەی کاروانەیل ئاسمانی لە فڕۆکه‌خانەی سلێمانی، چ لە درچگن، چ لە هاتن، و فڕۆکه‌خانەی سلێمانی خوازید دووارە کاروانەیل بخەیدە ری، وە مەرجیگ ک نرخ کارتەیل گەشت وەل توانای دارایی مەردم گونجیاگ بوود، و لەژیر چەودیری حوکومەت کوردستان بوود.
وەڕیەوبەرایەتی فڕۆکه‌خانەی سلێمانی، رێنمایگ لە دەسڵات فڕۆکه‌وانی عیراق وەرگردیه وە درویژکردنەوەی وسانن کاروانە ئاسمانیەگان تا ٢٢ ئایار هاتگ.
