شەفەق نیوز/ فڕۆکەيل جه‌نگی تورکی، ئمڕوو جومعە، ئاوای و بەرزاییگ لە پارێزگای دهۆک لە هەرێم کوردستان کردنە ئامانج.
زیرەڤان موسا وەڕیەوبەر ناحیەی دەرکار هاووسنور تورکیا ئەرا ئاژانس شەفەق نیوز خەوەردا ک گورز ئاسمانی تورکییگ دووڵ باجوانی کردە ئامانج، هەمیش فڕۆکەگان ٣ مووشەک ئەرا ئاوای ستفلانی وەشانن.
لە باوەتیگ هاوشان، مەردم وەچەودی وتن: ک کویەی گورزار ک هابان ناحیەی شیڵادزێ و هەمیش زەنجیرە کویەی لینک لە باکوور ناحیەی دیرلوک ئمروو شه‌وه‌كی کەفتنە وەر گورز ئاسمانی فڕۆکەیل تورکی.
فڕۆکە و توپخانه‌ی تورکی وە خەسی پەلامار ناوچە سنوریەگان دەن لەناو هەرێم کوردستان، ک نارزایه‌تی حکومەت هەرێم له‌لی كه‌فته‌و و بەغداد زیاتر لە یەکجار باڵوێز تورکیا لە عراق چڕی.