قه‌يه‌غه‌ى هاتوچوو له كوردستان و له‌ناونى پاريزگايه‌يل عراق تا يه‌ك ته‌ممووز دريژه‌و كريا
شه‌فه‌ق نيوز/ وه‌زاره‌ت ناوخوه‌يى له هه‌رێم كوردستان، بڕيار دريژه‌وكردن قه‌يه‌غه‌ى هاتوچوو دا له‌ناو پاريزگايه‌يل هه‌رێم، بيجگه قه‌يه‌غه‌ى هاتوچوو وه‌ره‌و پاريزگايه‌يل تر عراقى تا يه‌ك ته‌ممووز ئاينده، ئه‌ويش له چوارچيوه‌ى رێ وشوونه‌يليگ تايبه‌ت له‌وه‌ر خوه‌يپاريزى له ڤايرۆس كۆرۆنا.
وه‌زاره‌ته‌گه له به‌ياننامه‌يگ ئه‌را ئاژانس شه‌فه‌ق نيوز وت: له‌وه‌ر خاتر مقه‌يه‌تى له ئاسايش ته‌ندروستى هه‌رێم كوردستان، وه‌زاره‌ته‌گه چه‌ن برياره‌يليگ ده‌رگرگه، له‌وانه‌يش قه‌يه‌غه‌ى هاتوچوو وه‌شيوه‌يگ ته‌واو له‌ناونى پاريزگايه‌يل هه‌ولێر و سلێمانى و دهۆك و هه‌ڵه‌بجه و هه‌ردوگ ئداره‌ى راپه‌ڕين و گه‌رميان، له سه‌عات 12ى شه‌و 15ى حزيرانه‌و تا سه‌عات 12ى شه‌و يه‌ك ته‌ممووز ئاينده.
وه‌ل ئه‌وه‌يشا برياره‌گه وسانن سيسته‌م موڵه‌ت ئه‌لكترۆنييش وسان ك تايبه‌ت بوى وه هاتوچووكردن له‌ناونى پارزيزگايه‌يل هه‌رێم له‌و ماوه‌ى دياريكرياگه ته‌نيا نه‌خوه‌شه‌يل شيرپه‌نجه له‌لى بترازيه‌ێد چوينكه هه‌وه‌جه وه چاره‌سه‌ر ديرن.
به‌ياننامه‌گه باس له‌وه‌يش كرد ئاڵشتكردن هيزه‌يل ئه‌منييش ك ئه‌ركه‌يليان ئه‌نجام ئه‌يه‌ن له پاريزگايه‌يل عراق و نيشته‌جى هه‌رێم كوردستان وه هه‌مان شيوه ئه‌دێ.
