شەفەق نیوز/ سەرچەوەیگ ئەمنی لە دیاله‌ خەوەر دا ، قوربانیه‌یل هیرش لەبان دەوریەی ئەمنی لە پەڕ خانەقین به‌رزه‌و بوی ئه‌رای یەک کوشیاگ و7 زەخمدار.
سەرچەوەگە لە وەختیگ پیشتر ئەرا شەفەق نیوز له‌ باوه‌ت تەقینەوەیگ لە ناوچەی نارین بەین قەزای خانەقین وناحیەی قەرەتەپە خەوەر له‌ زەخمداربوین بڕیگ لە ئەندامەیل ئەمنی دا.
وتیش ک قوربانیەیل هێرشەگەی بان هێز ئەمنی لە پەڕ خانەقین بویه یەک کوشیاگ و7 زەخمدار، ووتیش ک 2 کەس لە ئیستخبارات دیالی زەخمدار بوی وسییمیانیش کوشیا و 4 لە پولیس فریاگوزار ویەکی لە فەوج نمونەیی زەخمدار بوین.
وتیش ک هێزە ئەمنیەگان هەنای وه‌ره‌و یەکیگ لە شوینەیل داعش ، لە پەڕ خانەقی ئه‌چوین تویش تەقینەوە هاتن
ناوچەیل دەور خانەقین ئەرا 4 ساڵ چود ڕویدان ئەمنی لەتیان وەردەوامه ، لە وەخت نه‌مان پێشمەرگە لە ناوچەیه‌ل دابڕیاگ، ک بۆشاییگ ئەمنی هیشته جی، وبیه دەرفەتیگ ئەرا تیرورستەیل.