كوردستان ئاشكراى سزاداين ئه‌و كه‌سه‌يله كرد مه‌راسيم پرسه دانانه
شه‌فه‌ق نيوز/ وه‌زير ناوخوه‌يى هه‌رێم كوردستان، وت: سزاى ئه‌و كه‌سه‌يله ئه‌دريه‌ێد مه‌راسيم فاتحه‌خوه‌نين له هه‌ولێر دانانه ك بوينه‌سه هووكار تويشهاتن ده‌يان كه‌س وه ڤايرۆس كۆرۆنا و باس له فراوانكردن ده‌سڵات پاريزگاره‌يل كرد له‌باره‌ى روێ وه‌ڕوێ بوينه‌وه‌ى قه‌يران و ئاماژه‌يش وه ده‌سگيركردن كه‌سه‌يل كرد ك هه‌واڵه‌يليگ بڵاوكردنه بويه‌سه جى نيگه‌رانى مه‌ردم.
رێبه‌ر ئه‌حمه‌د له كۆنگره‌يگ رووژنامه‌گه‌رى له‌باره‌ى مامڵه‌كردن وه‌ل كه‌سه‌يل تويشهاتگ وه ڤايرۆس له مه‌راسيم فاتحه‌خوه‌نين ك بوينه‌سه هووكار له تويشهاوردن 67 كه‌س تر، پاريزگار هه‌ولێر له‌ڕێ داواكارى گشتى راسپارياگه ئه‌را سزاداين ئه‌و تويشهاتگه‌يله ك به‌شدارى له مه‌راسيمه‌گه كردنه له‌شوون ئه‌وه‌گ له‌و په‌تا خاسه‌و بوون.
جى باسه، وه‌زير ناوخوه‌يى هه‌رێم كوردستان هه‌ميش وت: شماره‌يگ مه‌ردم له ئه‌نجام بڵاوكردنه‌وه‌ى هه‌واڵ ناخوه‌ش و له‌وانه‌يش ئنكار كۆرۆنا و باسكردن له وجوود غاز ژه‌هراوى ده‌سگير ئه‌كريه‌ن.
