له ڕووژه جه‌هانيه‌گه‌ى.. مه‌سرور بارزانى داوايگ ته‌ندروستى ئاراسته‌ى ئافره‌ته‌يل هه‌رێم كرد
شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم كوردستان، پيرۆزبايى ئاراسته‌ى ژنه‌يل له هه‌رێم كوردستان و جه‌هان كرد وه بوونه‌ى رووژ جه‌هانى ئافره‌ته‌يل و داوايش له‌ليان كرد رۆڵ وه‌رچه‌و داشتوون ئه‌را به‌شدارى له بته‌وكردن رێ وشوونه‌يل ته‌ندروستى دژ ڤايرۆس كۆرۆنا.
بارزانى له به‌ياننامه‌يگ وت: له رووژ جه‌هانى ئافره‌ته‌يل پيرۆزبايى له ئافره‌ته‌يل هه‌رێم كوردستان و جه‌هان ئه‌كه‌م، يادكردنه‌وه‌ى هه‌يشت مارس ريگرتنه له خه‌بات و كۆشش ئافره‌ته‌يل له‌وه‌ر خاتر يه‌كسانى دادپه‌روه‌رى كۆمه‌ڵايه‌تى و نه‌هيشتن سته‌م و چه‌وسيان.
بارزانى وت: ئافره‌ته‌يل كوردستان رۆڵيگ كاريگه‌رى و گه‌ورا داشتنه له بزووتنه‌وه‌ى رزگاريخواز ملله‌ت كوردستان و له دژ داگيركارى و سته‌م كۆمه‌ڵايه‌تى خه‌بات كردنه، هه‌ر وه‌و خاتريشه ئيمه كۆشش ئافره‌ته‌يل كوردستان وه‌تايبه‌ت ئافره‌ته‌يل پێشمه‌رگه له شۆڕشه‌يل كوردستان و رۆڵ وه‌رچه‌ويان له روێ وه‌ڕوێ بوينه‌وه‌ى تيرۆريسته‌يل داعس به‌رز نرخنيم و جه‌خت له پابه‌ندبوين حكومه‌ت هه‌رێم كوردستان ئه‌كه‌يم له پاراستن و داكووكيكردن له مافه‌يل ئاده‌ميزاد وه‌گشتى و ماف ئافره‌ته‌يل وه‌تايبه‌ت و دروسكردن زه‌مينه‌و درفه‌ت يه‌كسانى كاركردن و به‌شدارييان له بواره‌يل جياجيا.
جى باسه، بارزانى داوايش له ئافره‌ته‌يل هه‌رێم كوردستان كرد، رۆڵ كارايگ داشتوون لە بڵاوکردنەوەی هوشیاری تەندروستی و جيوەجيکردن رێنمايه‌يل تەندروستی وه‌خاتر روێ وەڕوێ بوينەوە و خودپاراستن لە ڤایرۆس کۆرۆناو هان ئەندامه‌يل و خێزانەيلیان و کەسوکاریان بيەن ئه‌را پاراستن پاك و ته‌ميزى و ژینگە ك ئەرکيگ نیشتمانیی و وەرپرسیارێتی گشتلايگه.
