ليژنه‌ى باڵاى خاسسازى له هه‌رێم كوردستان راپۆرت وه‌زاره‌ته‌يل په‌سه‌ن كرد
شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم كوردستان، سه‌رپه‌رشى له‌بان يه‌كه‌م دانيشتن ليژنه‌ى باڵا ئه‌را جيوه‌جيكردن ياساى خاسسازيه‌يل كرد، ئه‌ويش دوياى ئه‌وه‌گ ريكاره‌يل جيوه‌جيكردنى جيگير كريا و له رووژنامه‌ى وه‌قائيع فه‌رمى كوردستان بڵاو كريا.
حكومه‌ت هه‌رێم له به‌ياننامه‌يگ وت: له‌و دانيشتنه ك له‌ڕى بازنه‌ى داخرياى ته‌له‌فزيۆنى وه سيستم(ڤيديۆ كۆنفرانس)ساز كرياو قوباد تاڵه‌بانى جيگر سه‌رۆك وه‌زيره‌يل و شماره‌يگ له وه‌زيره‌يل په‌يوه‌نديدار له‌تى ئاماده بوين، باس له ميكانيزم و شيواز ياسايى جيوه‌جيكردن ياساى خاسسازى كريا له هه‌رێم كوردستان.
سه‌رۆك حكومه‌ت جه‌خت له‌وه كرد ك جيوه‌جيكردن ياساى خاسسازى به‌شيگ گرنگه له به‌نامه‌ى كار كابينه‌ى نۆيه‌م و جه‌خت له‌وه‌يش كرد جيوه‌جيكردنى ئامانج له‌لى ده‌سه‌وه‌ركردن دادگه‌رييه و گشت كه‌رته‌يل ئه‌گريده‌و وه‌ل ده‌سه‌وه‌ركردن مافه‌يل و ئمتيازاته‌يل ياسايى ئه‌را ئه‌وانه‌گ شايسته‌ى وه‌رگرتن مووچه‌ن.
جى باسه، ليژنه‌گه ره‌زامه‌نييش له‌بان راپۆرت وه‌زاره‌ته‌يل په‌يوه‌ندار نيشاندا دوياى ئه‌وه‌گ وه‌زيره‌يل و لايه‌نه‌يل په‌يوه‌نديدار راپۆرته‌يليان خستنه‌ڕوێ وه دامه‌زرانن ليژنه‌يل فه‌رعى و ده‌سكردن وه‌كار له گورجترين وه‌ختيگ له چوارچيوه‌ى ياساى خاسسازى و بڕگه‌يلى.
