شه‌فه‌ق نيوز/ ليژنه‌ى وزه‌و سامانه‌يل سروشتى له‌ په‌رله‌مان كوردستان، دانيشتنيگ وه‌ سه‌رۆكايه‌تى عه‌لى حه‌مه‌ ساڵح سه‌رۆك ليژنه‌گه‌و جێگر سه‌رۆك و بڕيارده‌ر و وه‌ئاماده‌بوين ئه‌ندامه‌يل و راوێژكاره‌يل ليژنه‌گه‌ سازكرد وه‌ ئامانج تاووتوێكردن به‌ش ته‌رخانكرياێ نه‌فت چه‌رمگ له‌لايه‌ن حكومه‌ت ناوه‌ندى و تاووتوێكردن پيشنيار ياساى مقه‌يه‌تيكردن به‌رهه‌مه‌يل نيشتمانى.

ئاماده‌بويه‌يل له‌و دانيشتنه‌ باس به‌ش هه‌رێم كوردستان كردن له‌ نه‌فت چه‌رمگ ك بڕ په‌نجا مليۆن له‌تره‌ له‌لايه‌ن حكومه‌ت ناوه‌ندييه‌و، له‌وه‌ختيگ ك هه‌رێم هه‌وه‌جه‌ وه‌ 258 مليۆن له‌تر ديرێد ئه‌را پڕه‌وكردن هه‌وه‌جه‌يلێ.

له‌لايگ تره‌و، ئاماده‌بويه‌يل باسيش له‌و هوير وڕايه‌يله‌ كردن له‌باره‌ى جواو وه‌زاره‌ت بازرگانى و پيشه‌سازى له‌باوه‌ت پيشنيار ياساى مقه‌يه‌تيكردن به‌رهه‌مه‌يل نيشتمانى له‌ هه‌رێم كوردستان و له‌ كووتايى دانيشتنه‌گه‌يش ليژنه‌گه‌ بڕيار دا كتاويگ فه‌رمى له‌ڕێ سه‌رۆكايه‌تى په‌رله‌مانه‌و پيشكه‌ش بكا له‌باره‌ى خستنه‌ڕوێ پرسياريگ ئه‌را حكومه‌ت هه‌رێم كوردستان له‌باره‌ى چوينێتى پڕه‌وكردن هه‌وه‌جه‌يل هه‌رێم له‌ نه‌فت چه‌رمگ.