ليژنه‌يگ هاوبه‌ش 250 هه‌زار به‌رميل رووژانه له نه‌فت كوردستان راده‌س وه به‌غدا ئه‌كا
شه‌فه‌ق نيوز/ ليژنه‌ى نه‌فت و وزه‌و سامانه‌يل سروشتى له ئه‌نجومه‌ن نوێنه‌ره‌يل ئاشكراى دامه‌زرانن ليژنه‌يگ هاوبه‌ش كرد له‌ناونى حكومه‌ت ناوه‌ندى و هه‌رێم كوردستان له‌وه ده‌سوه‌پيكردن ئه‌را راده‌سكردن 250 هه‌زار به‌رميل رووژانه له نه‌فت خام وه به‌غدا.
له‌و باوه‌ته‌و، رووژنامه‌ى ئه‌لسه‌باح حكومى له زووان ئه‌مجه‌د عقابى ئه‌ندام ليژنه‌گه وت: هه‌ردوگلا ريككه‌فتنه له‌بان دامه‌زرانن ليژنه‌يگ له هه‌ردوگ وه‌زاره‌ت نه‌فت له هه‌ردوگ حكومه‌ت ناوه‌ند و هه‌رێم له‌وه‌ر ده‌سوه‌پيكردن ئه‌را راده‌سكردن 250 هه‌زار به‌رميل رووژانه له نه‌فت خام له هه‌رێم وه كۆمپانيا بازاڕكردن نه‌فت(سۆمۆ).
جى باسه، عقابى هه‌ميش وت: هه‌رێم كوردستان جه‌خت له‌وه كردگه ك راده‌س نه‌كردن داهات له سه‌ره‌تاى ئمساڵه‌و تائيسه هووكاره‌گه‌ى دوياكه‌فتن دامه‌زرانن حكومه‌ت بويه.
