مه‌سعود بارزانى چه‌ن دوسيه‌يگ وه‌ل حزب ئسلامى باسكرد
شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان, له هه‌وارگه‌ى سه‌ڵاحه‌دين له هه‌ولێر چه‌وێ كه‌فته شانديگ باڵا له حزب ئسلامى عراقى ك پيكهات له ئه‌ياد سامه‌ڕائى سكرتێر گشتى حزبه‌گه‌و سهێب راوى و ره‌شيد عه‌زاوى هه‌ردوگ جيگرى و نه‌سير عانى ئه‌ندام مه‌كته‌ب سياسى حزبه‌گه.
له‌و ديداره ك فازڵ ميرانى سكرتێر مه‌كته‌ب سياسى پارت ديموكرات كوردستان و هۆشيار زێبارى ئه‌ندام مه‌كته‌ب سياسى و عه‌لى حسێن ئه‌ندام سه‌ركردايه‌تى پارت ديموكرات ئاماده‌ى بوين، باس له بارودوخ عراق و ناوچه‌گه كريا بيجگه ئاڵوگوڕ هوير وڕا و ئاڵشتكاريه‌يل له پرووسه‌ى سياسى له عراق و بارودوخ له پاريزگاى نه‌ينه‌وا و پرووسه‌ى ئاوه‌دانكردنه‌وه‌ى موسڵ و باردوخ مه‌ردمه‌گه‌ێ.
هه‌ر له‌و دانيشتنه باسيش له مه‌ترسيه‌يل فكره‌ى تونڕه‌وى و دوباره ده‌ركه‌فتنه‌وه‌ى تيرۆريسته‌يل داعش كريا و له‌ى باوه‌تيشه‌و جه‌خت له‌بان خواست مامڵه‌كردن وه هوشدارييه‌و كريا له‌ى دوسيه‌و هه‌ماهه‌نگى ته‌واويگ له‌ناونى گشت لايه‌نه‌يل.
