"مه‌لا عه‌لى كه‌له‌ك" له سعوديه ده‌سگير كريا
2020-02-11 18:21:57
شه‌فه‌ق نيوز/ چالاكوانه‌يل له‌بان ماڵپه‌ڕه‌يل په‌يوه‌ندى كۆمه‌ڵايه‌تى له سعوديه، ئاشكراى ئه‌وه كردن ك پۆليس شار مه‌دينه له سعوديه كه‌سيگ له ته‌مه‌ن په‌نجا ساڵان ده‌سگير كردنه ك گوايا چاره‌سه‌ر كه‌سيگ نابينا ئه‌كا.
له گرته‌يگ ڤيديۆيى "مه‌لا عه‌لى كه‌له‌ك" ده‌رئه‌گه‌فێد ك خه‌ريكه چاره‌سه‌ر گه‌شتياريگ نابيناى بيگانه ئه‌كا، ك يه‌يش ئه‌و تومه‌ته‌سه ك خريا پاڵى و پۆليس سعوديه ده‌سگيرى كرد له‌وه‌ر ئه‌وه‌گ حيله‌و حه‌واڵه وه‌ل مه‌ردم ئه‌كا.
جى باسه، هه‌ر وه‌ل بڵاوبوينه‌وه‌ى هه‌واڵه‌گه كاردانه‌وه‌ى فريه‌يگ له‌بان ماڵپه‌ڕه‌يل كۆمه‌ڵايه‌تى له‌لايه‌ن بڕيگ له چالاكوانه‌يل سعودى كه‌فته‌وه‌و يه‌كيگ له‌ليان له تويته‌ر نويساگه: ئه‌و كابرا ك له گرته ڤيديۆگه دياره مه‌شق سحر ئه‌كاو يه‌يش حيله‌و حه‌واڵه‌س ئه‌را خه‌ڵه‌تانن مه‌ردم.
