شەفەق نیوز/ وەڕیەوبەرایەتی ئەوقاف ناوچەی راپەڕین لە هەرێم کوردستان، ئمڕوو جومعە، راگەیان لە وەردەوامی بەسانن مزگفتەیل تا هەفتەیل ئایندە، وئەویش ئەرا مقەیەتی لە فرەبوین تووشهاتنەگان وە ڤایڕۆس کۆرۆنای نووەوبوی.
غەریب ئەحمەد وەڕیەوبەر ئەوقاف، لە پەیامیگ ئاڕاستەکریاگ ئەرا خەتیبەیل و ئیمام مزگەفتەیل وت: لە ئەوەیگ پەیوەندی وەنماز جومعە دیرێد، چەودیریدان وەرگریمن ئەرا ئەوە ک خوتبە نیە تا بانگاوازیگ تر.
وتیش؛ مزگەفتەیل وەبەسیاگ مینن تا هەفتەیل ئایندە.
وەرجەیە دەسەی دژوە ڤایڕۆس کۆرۆنا لە ناوچەگە، لە چوار تەمووز، تاریف بەیاننامەی پیاوە ئاینیەگان کرد وە بەسانن مزگەفتەیل. دەسەگە لەو وەختە بڕیاردا وە پشۆی دەوام فەرمی لە فەرمانگە و دامەزراوە حکومەتیەگان، تا رووژ جومعە ١٠ی تەمووز، وەمەرجیگ لە سوو شەممە دوارە بادەو.