نويسه‌ر و مێژوونويس ناودايگ له هه‌رێم كوردستان كووچ دوياييكرد
2019-08-06 20:21:41
شه‌فه‌ق نيوز/ دوياى نيمه‌ڕوو ئمڕوو عه‌لى كه‌ندى نويسه‌ر و روژنامه‌نويس و مێژوونويس ناودار له هه‌رێم كوردستان له ته‌مه‌ن 66 ساڵان ماڵئاوايى يه‌كجارى له دونيا كرد.
عه‌لى هۆمه‌ر عه‌لى فه‌تاح له‌ساڵ 1953 له ناحيه‌ى دێبه‌كه سه‌ر وه قه‌زاى مه‌خمور هاته‌سه دونياو له‌ناو ماڵه‌گه‌ى خوه‌ى له شار هه‌ولێر دوياى كيشمه‌كيش فريه‌يگ وه‌ل نه‌خوه‌شى كووچ دواييكرد.
جى باسه، عه‌لى كه‌ندى له‌ساڵ 1977 هاوسه‌رگيرى كردگه‌و باوگ په‌نج مناڵه‌و له‌ناو رزه‌يل هيز پێشمه‌رگه له‌وه‌خت جموجويل رزگاريخواز كورد له سێ ده‌يه‌ى دوياخر سه‌ده‌ى وه‌رين به‌شدارى كردگه‌و سێ جار له‌لايه‌ن رژيم وه‌رينه‌و ده‌سگير كرياو ئه‌نداميش بوێ له 6 سه‌نديكاو خاوه‌ن 18 به‌رهه‌م چاپكرياگه.
