شه‌فه‌ق نيوز/ نێچيروان بارزانى سه‌رۆك هه‌ڵوژرياێ هه‌رێم كوردستان, په‌ياميگ پيرووزبايى ئاراسته‌ى ملله‌ت كوردستان كرد وه‌ بوونه‌ى هاتن جه‌ژن ره‌مه‌زان و ئوميد ئه‌وه‌ خواست ئى جه‌ژنه‌ بدێده‌ خێرو خوه‌شى وبه‌خته‌وه‌رى و هانده‌ريگ ئه‌را یەکڕیزی و ئاشته‌وايى و تەبایی.‌

نێچيروان له‌ په‌يامه‌گه‌ى ئه‌را شه‌فه‌ق نيوز وت: وه‌بوونەی هاتن جەژن ڕەمەزانی پیرووزەوە، گه‌رمترين پيرووزبايى سه‌ره‌تا له‌ خانەوادەی سەربەرز شەهیدان و ئه‌نفالكرياگه‌يل وپێشمەرگەيل قارەمان ئه‌كه‌م، ئنجا له‌ سەرجەم موسڵمانه‌يل کوردستان و عێراق و جیهان و ڕەوەن کورد لە له‌ده‌يشت وڵات.

بارزانى ئوميديش خواست ئى جه‌ژنه‌ بدێده‌ هووكار هاوردن خێر و خوه‌شبه‌ختى و هانده‌ريگ ئه‌را گشتلايگ له‌وه‌ر يه‌كڕيزى و ئاشته‌وايى و ته‌بايى و گشتلايگ ئه‌رك خوه‌يان وه‌جێ بارن وه‌رانوه‌ر ملله‌ت كوردستان و نيشتمان له‌وه‌ر خاتر ئاشتى و سه‌قامگيرى و به‌رژه‌وه‌ندى باڵاى ملله‌ت كورد.