نێچيروان بارزانى: هه‌ردوگ ملله‌ت عراقى و سوورى شايسته‌ى ژيانيگ خاسترن
شه‌فه‌ق نيوز/ نێچيروان بارزانى سه‌رۆك هه‌رێم كوردستان، جه‌خت له‌وه كرده‌وه نه‌وه‌ى تازه له عراق و سوريا دوياى مه‌ينه‌تيه‌يل فريه‌يگ ته‌ماشاى ئاينده وه ئوميديگ خاستر ئه‌كه‌ن و ئاماژه وه‌يه‌يش كرد هه‌ردوگ ملله‌ت عراقى و سوورى شايسته‌ى ژيانيگ خاسترن.
لێدوان بارزانى له ميان كوتاييهاتن فيستيڤاڵ كورته فه‌يلمه‌يل ئه‌را دراوه‌ره‌يل جايه‌ڵ جوانه‌يل هات له هه‌ولێر پايته‌خت ك له‌تى دراوه‌ره‌يليگ له هه‌رێم كوردستان و عراق و سوريا به‌شدار بوين و له‌و فيستيڤاڵيشه ده‌يان كورته فيلم نمايش كريا له‌باره‌ى قوناغه‌يل سه‌ختيگ ك عراق و سوريا وه‌پيه‌و گوزه‌ر كردنه له‌وه‌ختيگ ريكخرياگ داعش ده‌سڵات گرته بان به‌شه‌يليگ له خاك هه‌ردوگ وڵات عراق و سوريا.
جى باسه، له‌و فيستڤاڵيشه كورته فيلميگ وه‌ناونيشان(البدايه) برده‌و و دوياى دابه‌شكردن خه‌ڵات له‌بان كورته فيلمه‌يل سه‌رمه‌فتگ، نێچيروان بارزانى وته‌يگ پيشكه‌ش كرد و وت: ئه‌وه‌گ نمايش كريا له‌و كورته فيلمه‌يله گوزارشيگ بوێ له مه‌ينه‌تيه‌يل هه‌ردوگ ملله‌ت عراقى و سوريا و باس له‌وه‌يش كرد و وت: خوه‌شى ها له‌ورا جايه‌ڵ جوانه‌يل چه‌ويان ها ئاينده‌وه.
