هه‌ولێر ئاشكراى ميكانيزم تازه‌يگ كرد له دوياى كردنه‌وه‌ى قه‌يه‌غه‌ى هاتوچوو
2020-04-06 19:08:57
شه‌فه‌ق نيوز/ پاريزگاى هه‌ولێر ئاشكراى ئه‌وه كرد ده‌س ئه‌كاده جيوه‌جيكردن ميكانيزميگ تازه ئه‌را ريكخستن رێ وشوونه‌يل تايبه‌ت وه خوه‌يپاريزى له ڤايرۆس كۆرۆنا، ئه‌ويش دوياى كه‌مه‌وكردن له قه‌يه‌غه‌ى هاتوچوو.
له‌ى باوه‌ته‌و، هێمن قادر جيگر پاريزگار هه‌ولێر له كۆنگره‌يگ رووژنامه‌گه‌رى ك شه‌فه‌ق نيوز ئاماده‌ى بوى، وت: عه‌لوه‌يل سه‌وزه‌مه‌نى ئه‌تويه‌نن له‌سه‌عات 12ى شه‌و تا 12 نيمه‌ڕوو كار بكه‌ن و سۆپه‌رماركته‌يل و فڕن و نانه‌واخانه‌يل و ويسته‌گه‌يل سوزه‌مه‌نييش ئه‌تويه‌نن له سه‌عات 8 شه‌وه‌كييه‌و قاپيه‌يليان واز بكه‌ن تا 6 ئيواره وه‌ل جيوه‌جيكردن رێ وشوونه‌يل ته‌ندروستى و رينمايه‌يل.
باس له‌وه‌يش كرد ده‌رمانخانه‌يليش وازن ، وه‌لێ وه‌گووره‌ى رێ وشوونه‌يل ته‌ندروستى له‌وه‌ر خوه‌يپاريزى له تويشبوين وه ڤايرۆس كۆرۆنا.
