شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو پەنجشەممە، داواکرد هەرێم کوردستان دەور دیارییگ بیاشتود لە دادگایكردن ئەندامەیل ریخریاگ داعش.
ئەویش لە چەوپیکەفتنی وەگەرد کەریم ئەحمەد خان راوێژکار تایبەت و وەرپرس تیم لێکۆڵینەوەی نەتەوە یەکگرتوەگان ئەرا پاڵپشتی دادوەریکردن لە تاوانەیل داعش '' یۆنایتید''.
بەیاننامەیگ لە حکومەت هەرێم وت: لە چەوپیکەفتنەگە باس ئامادەکاریەگان کریا ئەرا دادگایی و سزاداین دادگه‌رانه‌ دژوە تاوانبارەیل داعش . راوێژکارە تایبەتەگە و وەرپرس تیم لێکۆڵینەوەی نەتەوەیی رووشنایی خستە بان ریکارە یاسایی و پیشەییەگان دادگایکردن تاوانبارەیل داعش، لە بان تاوانەیلیان دژ وە مرۆفایه‌تی ، وە تایبەت کارەیل گردەوکردن بەڵگەگان و ئەرشیف کردن ئەلیکتڕۆنی ئەرا ئەو تاوانەیلە، و هەمیش راوێژکارە نەتەوییەگە سوپاس حکومەت هەرێم کرد ئەرا هەماهەنگکردن و هاوکاری لەی باوه‌ته‌.
سەرۆک حکومەت کوردستان جەختکرد لە بان گرنگی په‌له‌په‌ل لە دادگایی تاوانبارەیل داعش، و دووپاتکرد ک ئی دادوەریە بوودە گام گرنگیگ ئەرا ئەنجامداین یەکسانی، و نواگردن لە دووارەبوین ئیجوور تاوانەیلە لە ئایندە.
بەیاننامەگە باس لە قسەی بارزانی کرد ک وت: ئامادەیمن ئەرا پێشکەشکردن گشت شیەوەیل هەماهەنگی و هاوکاری، و بایەسە هەرێم کوردستان دەوریگ دیار له‌ دادگاییان داشتوود، چوونکە بەراورد وه‌ ئەو ناوچەگان فرەترین زەرەدمەنە لەدەس داعش.