شەفەق نیوز/ نێچیرڤان بارزانی سەرۆک هەرێم کوردستان. ئمڕوو پەنجشەممە، پێشوازی کرد لە خانم ناکایاما یوشیکۆ وەرپرس نوو نووسینگەی قونسڵیەی یابان لە هەرێم کۆردستان وەیاوەری شاندیگ.
لە چەوپیکەفتنەگە، بارزانی باس لە تەواوتی پشتگیری خوەی کرد ئەرا یوشیکۆ لە ئەرکە نووەگەی، وهەمیش بەڕێز سەرۆک هەرێم ئارازو هەرێم کوردستان نشاندا لە گەشەکردن پەیوەندیەگان وەگەرد یابان لە گشت بواره‌‌گان، و لە ئامادەیی کورستان ئەرا وەرگردن وەبەرهەمهاورەیل و سەرمایەدارە یابانیەگان.
هەمیش سوپاس حکومەت یابان کرد ئەرا ئەو هاوکاریەیلە ک ئاژانس هاوکاری ناودەوڵەتی یابان ''جایکا'' لە خزمەتگوزاری ئەرا هەرێم کوردستان لە ماوەی دریژیگ پێشکەشی کەێد، و لە هاوکاریە مرۆییەگان ک یابانیەگان ئەرا ئاوارەگان پێشکەشی کەن، و قەرزداین ئەرا حکومەت عراق و دابینکردن بەش هەرێم کوردستان لەو قەرزەیلە.
لەلای خوەییش یوشیکۆ دووپاتکرد ک گشت هه‌وڵێلی دەێد ئەرا بتەوکردن پەیوەندیەیل وڵاتەگەی وەگەرد هەرێم کوردستان، و هانداین کەرت تایبەت لە یابان ئەرا کارکردن لە هەرێم، و هاوردن رێکخراوەیل نا حکومەتی لە وڵاتەگەی ئەرا هەرێم کوردستان، و جەختکرد ک یابان پشتگیری لە ئارامی عراق و هەرێم کوردستان کەێد.
لە چەوپیکەفتنەگە هەمیش گفتوگۆ کریا لەباوەت رەوش ناوچەگە وەشیوەی گشتی، و گرنگی دەوەر هەرێم کوردستان لە ئارامی عراق، و پەتای کۆرۆنا و کاریگەریەگانی، و نواگردن تیرۆر و چەن باوەتیگ تر.