شەفەق نیوز/ سەرچەوەیگ خۆجێی لە هەرێم کوردستان، ئمڕوو پەنجشەممە، خەوەردا ک زیاتر لە ٢٠٠٠ كه‌س له‌ په‌یره‌وێل تەریقەت کەسنەزانی لەتەیمانیگ سنووری پەڕینەو، وە شمشیر و خنجەر لە ئیرانەو هاتنە، وئاماژەدا وە کوشیان کەسەیلیگ لە ئەمن ئیرانی.
لیوا مەریوان کەمال سەرپەرشتیار مەرز سنوری باشماخ وەگەرد ئیران ئەرا ئاژانس شەفەق نیوز وت: زیاتر لە ٢٠٠٠ لە دەرویشەیل تەریقەت کەسنەزانی وە شمشیر و خنجەر پەلامار تەیمانیگ ئەرا هێزە ئەمنیەگان لە مەرزەگە دان، لە لا ئیرانیەگە هاتنە، وئاماژەدا ک ٤ کەس لە هێزە ئیرانیەگە کوشتن.
وئاماژەدا؛ ئەیانە نەکەفتنە ژیر تاقیکردنەوە لە ڤایڕۆس کۆرۆنا، و دیاریکرد لە هاتنیان وەئامانج ئامادەبوین پرسەی شێخ محمد کەسنەزان گەورای تەریقەت کەسنەزانی، و ئیسە هانە ری وەرەو سلێمانی.
لە لای خوەییش سەرچەوەیگ حکومەتی وەرپرسیگ ئەرا ئاژانس شەفەق نیوز وت: دەور ٢٥٠٠ لە دەرویشەیل و کەسەیل تەریقەت کەسنەزانی هاتنە ناو هەرێم کوردستان لە مەرز سنوری باشماخ وەبی تاقیکردنەوەی پزشکی.
سەرچەوەگە باس مەترسیەگانی کرد لە زیایبوین تووشهاتگەیل وە ڤایڕۆسەگە لە سلێمانی، دویای هاتن ئەیانە ئەرا هەرێمەگە وەبی تاقیکردنەوە لە کۆرۆنا.
شێخ محمد کەسنەزانی حسێنی گەورای تەریقەت کەسنەزانی لە عراق وجهان، لە ٤ تەمووز کۆچ دویایی کرد لە تەمن ٨٢ ساڵان.