هەولێر نوقڵانەی واز هاوردن لە ئاسانکاری قەیەغەگە دەێد
شەفەق نیوز/ فرسەت سوفی پارێزگەر هەولێر ئمڕوو دووشەممە وە وازهاوردن لە ئاسانکاری دریا وە دانیشتوەیل لە قەیەغەی هاتوچو نوقڵانە دەێد ئەگەر پابەند وە رینما و مقەیەتی نەوین.
سوفی لە کۆنگرەی روژنامەوانیگ وت: داوا لە هاوڵاتەیل کەم هەوڵە مقیەتیەگان بپارێزن، چوینکە فرە له‌ ناوچەیل ودوکانەیل بازرگانی وپیشەیی دوارە کریانەو، ئەگەر دانیشتوەیل مقەیەتەیل تەندروسی نەوین شایەت بڕەسیمنە روژ سەختیگ وئەو وەختە چشتیگ وە پیمان نیەکرێد، ئەرا ئەوە ئومیدواریمن لە مەردم هەولێر وە هوشیاری وەگەرد ئی هاڵەتەو مامەڵە بکەن، و ئیمە وە هویچ شیوەیگ لە مەترسی دەرنەچیمنە، وڤایڕۆس کۆڕۆنا فرە فرە ترسناکە، وەلی کاروبار مەردمیش لای ئیمە گرنگە، ونەبایەس بوسێد.
وتیش؛ ئەگەر مه‌ردم هاوکارو پابەند بوین، ئیمە گام فرەتر نەیمن وەرەو هاوردن ژیان ئەرا سروشت خوەی، وەلی وە پێچەوانەی یە ناچار تیەیمنەو ئەرا قەیە‌غەی هاتوچوەگە.