شەفەق نیوز/ پارێزگای هەولێر پایتەخت هەرێم کوردستان، ئمڕوو دووشەممە،لە پشتگیری خوەی ئەرا پڕۆژەی نامەرکەزیەت ئیدارەیل خۆجێی وەگورەی چوارچێوەیل یاسا راگەیان، وە هاوردن سیاسەت وه‌ناو ئی کارە رەت کرد.
فرسەت سوفی، پارێزگەر هەولێر، لە کۆنگرەیگ روژنامەوانی ئمڕوو وت: وەگورەی یاسای ژمارە ٣ ئەرا ساڵ ٢٠٠٩ ، دەسڵاتەیل پارێزگاگان وئەنجومەنەیلی دیاری کریاس، و بەرنامەی دروسکردن حوکمەت نووەم ئارا هەرێم کوردستان وەشیوەیگ رون وئاشکرا ئه‌ی کارە باس كردگه‌ ک دەسڵاتەیلیگ فرەتر وە حوکمەتەیل و ئیدارەیل خۆجێی دریەێد.
وتیش؛ رێککەفتنەیل سیاسی لەبان دروس کردن حوکمەتەگە، ناوبەین حزبه‌یل سیاسی سەرەکی هەرێم کوردستان کەفتە ئی ماوە، وجەختیش کرد لە وتنەگەی؛ ئیمە لە پارێزگای هەولێر خواستمان ئەرا خستنه‌ كار ئی پڕۆژە ، فرەتره‌ لە پارێزگایل تر.
سوفی هەمیش وت؛ ئی باوەتە میکانزم یاسایی خوازێد، وخاسکردن لە یاساگە لەلاین حوکمەت ناوخۆیی وئەنجومەنەیلی تواێد، تا بنریەدە وەر دەس ئەنجومەن وەزیران، و لەورەو ئەرا پەڕلەمان، تا بتویەنێد یاسای نامەرکەزیەت جیوەجویکەر بخەێدەو کار.
وتیش بایەسە ئی کارە دویر لە ململانەیل سیاسی ری یاسایی خوەی بگرێد، وبایەسە جوی گرنگی زاقیگ وەگەردی رەفتار بکریەێد و هەولێر بیشترین پارێزگای کەم بەشە لە لاین ئابوونە، لەناوبەین پارێزگایه‌یل هەرێم، ئەرا وە ئیمە فرە خوازیمان هەس ئەرا وەکارهاوردن نامەرکەزیەت.