شەفەق نیوز/ وەزارەت ناوخۆ لە هەرێم کوردستان، ئمڕوو پەنجشەممە، راگەیان لە پێشکەشکردن ئاسانکاریەیلیگ زیاتر ئەرا جووڵەی دانیشتوەیل ناونی پارێزگاگان هەرێم و ئیدارە خۆجێیەگان.
وەزارەتەگە لەبەیاننامەیگ رەسیە ئاژانس شەفەق نیوز دووپاتکرد لە وەردەوامی قەیەغەی ماشین لە ناونی چوار پارێزگای هەرێم کوردستان: هەولێر و سلێمانی و دهۆک و هەڵەبجە، و هەردوگ ئیدارەی سەروەخوەی گەرمیان و راپەڕین.
و مووڵەت گواستنەوەی ئەلیکتڕۆنی ناونی پارێزگاگان و ئیدارە سەروەخوەیەگان لەڕی ماڵپەڕ فەرمی وەزارەتەگە دریەێد، وەگورەی ئەو سیستمە ک وەرجەیە ئامادەی کریاگە، و ئاماژەدا ک مووڵەت داینەگە وە رەزامەنی وسەرپەرشتی پارێزگا و ئیدارە خۆجێیەگان دریەێد، و بایەسە ئاسانکاری بکەن لە جوولەی هاوڵاتیەیل. بەیاننامەگە هەمیش ئاماژەکرد ک هەردوگ فڕۆکەخانەی ناودەوڵەتی هەولێر وسلێمانی دەسکردنە ئامادەکاری ئەرا پێشوازی کردن لە گەشتە ئاسمانیە ناودەوڵەتیەگان لە رووژ ١/٨/٢٠٢٠.