وه‌ناو.. پاريزگايگ له كوردستان يه‌ك رووژ موڵه‌ت دا 60 كه‌س بچنه كه‌ره‌نتينه
2020-03-11 09:37:46
شه‌فه‌ق نيوز/ وه‌ڕيه‌وبه‌رايه‌تى ته‌ندروستى پاريزگاى هه‌ڵه‌بجه، موڵه‌ت ئمڕوو چوارشه‌ممه دا 60 كه‌س ك له‌ى دوياخره له ده‌روازه‌يل مه‌رزێ عراقييه‌وه هاتنه‌سه ناو و خوه‌يان راده‌س كه‌ره‌نتينه نه‌كردنه ئه‌را وشكاننيان له سه‌ڵامه‌تى له ڤايرۆس كۆرۆنا.
وه‌ڕيه‌وبه‌رايه‌تيه‌گه له به‌ياننامه‌يگ وت: ئه‌و 60 كه‌سه ته‌نيا 24 سه‌عات ها وه‌رده‌ميان ئه‌را ئه‌وه‌گ خوه‌يان راده‌س كه‌ره‌نتينه بكه‌ن و وه‌چه‌واشه‌وه‌ى ئه‌وه خوه‌يان تويش سزاى ياسايى ئه‌كه‌ن.
جى باسه، يه‌يش رووژ سێشه‌ممه وه‌زاره‌ت ناوخوه‌يى له حكومه‌ت هه‌رێم كوردستان، وت: تا نيمه‌ى ئى مانگه موڵه‌ت وه مه‌ردم هه‌رێم ئه‌دريه‌ێد بانه‌و وه‌رجه ئه‌وه‌گ مه‌رزه‌يل دابخريه‌ێد و دويا موڵه‌ت ئه‌را ئه‌وانه‌گ هانه ئيران 15ى ئى مانگه‌سه.
