له‌ راپۆرتيگ وێنه‌گرياگ له‌لايه‌ن ده‌نگ ئه‌مريكا وه‌ زووان كوردى ك(شه‌فه‌ق نيوز)ئاگادارى بوى، باس له‌وه‌ كرد و وت: كه‌سه‌يليگ هه‌ن تواناى فريه‌يگ ديرن له‌ بوار دروسكرن چشته‌يل و ئيسه‌يش له‌ هه‌رێم كوردستان عراق پێشمه‌رگه‌يگ له‌دوياى ده‌وامه‌ فه‌رميه‌گه‌ى تويه‌نستگه‌ كارخانه‌يگ ئه‌را دروسكردن ته‌ياره‌يل هێليكۆبته‌ر دامه‌زرنێد و دو ته‌ياره‌يش دروسكردگه‌ و بيجگه‌ ته‌ياره‌يگ تر هێليكۆبته‌ر.

جى باسه‌، راپۆرته‌گه‌ ئاماژه‌ وه‌يه‌يش دا ك پێشمه‌رگه‌يگ وه‌ناو موقداد ئه‌لته‌يار وه‌ل دوكه‌س تر له‌ناحيه‌ى به‌حره‌كه‌ سه‌ر وه‌ پاريزگاى هه‌ولێر له‌دوياى ده‌وام فه‌رمى كار له‌ كارخانه‌ى دروسكردن ته‌ياره‌يل هێليكۆبته‌ر ئه‌كه‌ن و وه‌قسه‌ى موقداد يه‌يش ده‌ركه‌فت ك حكومه‌ت هه‌رێم هويچ ده‌سميه‌تيگيان نه‌ياگه‌و پشت وه‌ ده‌سميه‌ته‌يل خارجى به‌سانه‌ له‌ى باوه‌ته‌و.

https://www.youtube.com/watch?v=wIUK_bHZjRw