وێنه.. له دو رويداگ خنكيان و هاتوچوو له دهۆك 11 كه‌س مردن و زه‌خمدار بوين
2020-06-12 22:10:09
شه‌فه‌ق نيوز/ وه‌ڕيه‌وبه‌رايه‌تى پۆليس پاريزگاى دهۆك، ئاشكراى مردن 3 كه‌س و زه‌خمداربوين 5 كه‌س تر كرد له رويداگ دڵته‌زن.
وه‌ڕيه‌وبه‌رايه‌تيه‌گه له به‌ياننامه‌يگ ئه‌را ئاژانس شه‌فه‌ق نيوز وت: له سه‌عات(5:30)ئيواره‌ى ئمڕوو له‌بان رێ سه‌ره‌كى له قه‌زاى زاخۆ دو سه‌ياره كيشانه‌سه يه‌كا له جوور شۆفرلێت و جێب هۆنداى تايبه‌ت.
به‌ياننامه‌گه وت له‌و رويداگه 3 كه‌س مردنه‌و 5 كه‌سيش زه‌خمدار بوينه وه‌ل كه‌فتنه‌وه‌ى زه‌ره‌د ماددى له هه‌ردوگ سه‌ياره‌گه.
له به‌ياننامه‌ى دويه‌ميش، پۆليس وت: سێ جايه‌ڵ جوان له‌وه‌خت سناوكردن له دو ده‌رياچه له مه‌رزه‌يل ئدارى پاريزگاگه خنكيانه‌و ته‌رمه‌يليان له ده‌رياچه‌ى خابوور دوينريانه‌سه‌و، وه‌لێ له ده‌رياچه‌ى شيلادزێ خنكيانه.
